Psixolog lavozimi vazifalari:

·yosh davr taraqqiyoti mezonlariga muvofiqligini aniqlash maqsadida psixolog universitet talabalarini psixologik tekshiriuvdan o‘tkazadi, ularning darajalarini belgilaydi. Talabalarning kasbiy yaroqligini diagnostika qiladi, ularning shaxs xislatlari, irodaviy sifatlari, his-tuyg‘ulari, o‘zini-o‘zi boshqarish imkoniyati, intellektual darajasini tekshiradi;

·psixolog professor-o‘qituvchilar va talabalarning psixologik xususiyatlari, ularning qiziqishlari, mayli, iqtidori kabilarni o‘rganadi, mutaxassis va yetuk shaxs sifatida shakllanishiga muayyan yordam beradi.

·talabalarda uchraydigan o‘quv malakalari va ko‘nikmalarni egallashdagi nuqsonlar, xulq-atvordagi kamchiliklar, intellektual tarqqiyot va shaxs fazilatlaridagi buzilishlar sabablarini diagnostika qiladi.

·talabalarning o‘z tengqurlari (tengdoshlari) bilan muomalasini o‘rganish uchun ularni tekshiradi. Ularning etnomadaniyatini xususiyatini hisobga olgan holda psixofiziologik metodlarni muayyan sharoitga moslashtiradi.

·boshqa soha mutaxassislari bilan birgalikda talabaning psixik rivojlanishidagi nuqsonlar xilma-xilligini hisobga olgan holda differensial diagnostikani amalga oshiradi. Xususan:

· a) nuqsonlarning tibbiy va defektologik tabiatini aniqlaydi;

· b) assotsial xulq-atvor sabablari va shakllarini belgilaydi;

· v)talabalar o‘rtasidagi giyohvandlik, taksikomanlik, alkogolizm, o‘g‘rilik, daydilik kabi illatlarning ijtimoiy-psixologik ildizlarini tekshiradi, uning omillarini tahlil qiladi;

· psixik rivojlantirish va psixokorreksiya ishlar – yo‘nalishi psixologdan talaba, professor-o‘qituvchilar shaxsi va intellektini tarkib toptirish jarayoniga faol taʼsir qiladi.

· ushbu yo‘nalishda psixolog quyidagi aniq ishlarni amalga oshiradi:

· a) amaliy psixologning maxsus ishi, mashg‘uloti ayrim talabalar bilan alohida o‘tkazilishi mumkin bo‘lgan mashg‘ulotlar rejalashtiriladi;

· b) talabalarning har bir faoliyati maxsus ravishda amalga oshirilib, talabalar guruhlariga tarbiyaviy taʼsir o‘tkazishga yo‘naltirilgan bo‘ladi;

· v) ota-onalar pedagogik jamoalarga universitet xodimlari ishtirokida tarbiyaviy tadbirlar tarzida mashg‘ulotlar olib borish nazarda tutiladi.

· universitet psixologi talabalarning psixik taraqqiyoti, xulqidagi nuqsonlar, hamda kamchiliklarni asta-sekin tuzatish, korreksiya qilish dasturini ishlab chiqadi va amaliyotga tatbiq etadi. Buning  uchun ular maxsus mashg‘ulotlar, buzilishni kamaytirish mashqlarini o‘tkazadi, ijodiy (kreativ) qobiliyatlarni o‘stirish maqsadida treninglar olib boradi.