Toshkent davlat iqtisodiyot universitet Samarqand filiali 2025-yil uchun tayanch doktorantura(PhD) ga ixtisosliklar bo‘yicha kirish imtihon dasturlari
| № | Fayl nomi | Dasturni yuklash |
| 1 | 08.00.04 – “Qishloq xo‘jaligi iqtisodiyoti” ixtisosligi bo‘yicha tayanch doktoranturaga kirish imtihoni dasturi |  |
| 2 | 08.00.16 – “Raqamli iqtisodiyot va xalqaro raqamli integratsiya” ixtisosligi bo‘yicha tayanch doktoranturaga kirish imtihoni dasturi | |
| 3 | 08.00.08 - “Buxgalteriya hisobi, iqtisodiy tahlil va audit” ixtisosligi bo‘yicha tayanch doktoranturaga kirish imtihoni dasturi | |
TDIU Samarqand filialida oliy taʼlimdan keyingi taʼlim tizimini takomillashtirish bo‘yicha olib borilayotgan chora-tadbirlar to‘g‘risida
MAʼLUMOT
Ilmiy tadqiqot va innovatsion faoliyatni rivojlantirish bo‘yicha Filialda oliy taʼlimdan keyingi taʼlim tizimini takomillashtirish maqsadida 2019 yil 30 oktyabrda 08.00.04 – “Qishloq xo‘jaligi iqtisodiyoti” ixtisosligi bo‘yicha oliy o‘quv yurtidan keyingi taʼlim institutini ochish bo‘yicha Oliy va o‘rta maxsus taʼlim vazirligiga murojaat qilingan edi. Oliy va o‘rta maxsus taʼlim vazirligining 2020 yil 3 martidagi 1/5 sonli Hayʼat qarori bilan ruxsat berildi. Tayanch doktoranturaga 2021 yil uchun 4 (to‘rt) ta kvota ajratish uchun Oliy va o‘rta maxsus taʼlim vazirligiga xat bilan murojaat qilindi va vazirlik tomonidan 2 (ikki)ta kvota ajratildi. Shuningdek stajyor tadqiqotchilikka ham 1(bir)ta kvota ajratildi.
O‘zbekiston Respublikasi Vazirlar Mahkamasining 2017 yil 22 maydagi “Oliy o‘quv yurtidan keyingi taʼlim tizimini yana-da takomillashtirish chora-tadbirlari to‘g‘risida”gi 304-sonli qaroriga ilova qilingan Nizomga asosan ommaviy axborot vositalariga 2020 yil 10 sentyabrda qabul kvotasiga muvofiq hujjatlarni qabul qilish muddatlari, talab qilinadigan hujjatlar, topshiriladigan imtihonlar ro‘yxati va qabul kvotasi miqdori ko‘rsatilgan holda tayanch doktoranturada o‘qish uchun talabgorlarning hujjatlarini qabul qilish to‘g‘risidagi eʼlon berildi. Ushbu eʼlonga ko‘ra hujjatlar 15 sentyabrdan 15 oktyabrgacha bo‘lgan davrda qabul qilindi.
Eʼlon bo‘yicha jami 5 nafar talabgor hujjat topshirdi. Barcha hujjatlar qabul komissiyasi tomonidan Nizom talablariga mosligi tekshirib ko‘rildi. 2020 yil 16 oktyabr kuni filial direktori tomonidan 382-U sonli ichki buyruq tasdiqlandi, unga ko‘ra oliy o‘quv yurtidan keyingi taʼlimning tayanch doktorantura (PhD) shakliga o‘qishga kirish imtihonlari o‘tkazish quyidagi muddatlarda, “Chet tili” fanlari bo‘yicha 2020 yil 11 noyabr kuni, “Mutaxassislik” fanidan 2020 yil 13 noyabr kuniga beliglandi.
O‘tkazilgan imtihon natijalariga ko‘ra quyidagi talabgorlarni 08.00.04-Qishloq xo‘jaligi iqtisodiyoti ixtisosligi bo‘yicha tayanch doktorantura (PhD)ga qabul qilindi, ilmiy tadqiqot mavzusi ilmiy rahbarlari tasdiqlandi:
-
Abduraxmanova Aqida Fayzulla qizi - “Samarqand viloyati hududida ekoturizm potensialini iqtisodiy baholash”, ilmiy rahbar: i.f.n., dotsent F.B.Axrorov
-
Hasanov Bektash Tursunkulovich – “Oziq-ovqat mahsulotlari ishlab chiqarish zanjiri subyektlari o‘rtasidagi iqtisodiy munosabatlarni takomillashtirish” (Samarqand viloyati misolida), ilmiy rahbar: i.f.d., professor O.Murtazayev
Bundan tashqari 08.00.04-Qishloq xo‘jaligi iqtisodiyoti ixtisosligi bo‘yicha stajyor tadqiqotchilikga 1 nafar talabgor qabul qilindi:
-
Ergashov Ulug‘bek Zoxidjonovich – “Bog‘dorchilikka ixtisoslashgan klaster, uning tashkiliy mexanizmlari va rivojlantirish istiqbollari”, ilmiy rahbar: i.f.d., professor O.Murtazayev
Doktorantlar faoliyatini monitoring qilish maqsadida har 6 oyda ularning ilmiy tadqiqot ishlari va uning natijalari bo‘yicha o‘rganish olib boriladi.
08.00.04 – “Qishloq xo‘jaligi iqtisodiyoti” ixtisosligi bo‘yicha oliy o‘quv yurtidan keyingi taʼlim institutiga 2022 yil uchun 4 ta kvota ajratilgan. Hozirda filialda yana qo‘shimcha 4 ta ixtisoslik 08.00.07-“Moliya, pul muomalasi va kredit”, 08.00.08-“Buxgalteriya hisobi, iqtisodiy tahlil va audit”, 08.00.15-“Tadbirkorlik va kichik biznes iqtisodiyoti”, 08.00.16-“Raqamli iqtisodiyot va xalqaro raqamli integratsiya” ixtisosliklari bo‘yicha oliy taʼlimdan keyingi taʼlim institutini ochilgan bo‘lib, 2023 yil uchun kvota olish rejalashtirilgan.
O‘zbekiston Respublikasi Vazirlar Mahkamasining 2017 yil 22 maydagi “Oliy o‘quv yurtidan keyingi taʼlim tizimini yana-da takomillashtirish chora-tadbirlari to‘g‘risida”gi 304-sonli qaroriga ilova qilingan Nizomga asosan ommaviy axborot vositalariga 2021 yil 20 sentyabrda qabul kvotasiga muvofiq hujjatlarni qabul qilish muddatlari, talab qilinadigan hujjatlar, topshiriladigan imtihonlar ro‘yxati va qabul kvotasi miqdori ko‘rsatilgan holda tayanch doktoranturada o‘qish uchun talabgorlarning hujjatlarini qabul qilish to‘g‘risidagi eʼlon berildi. Ushbu eʼlonga ko‘ra hujjatlar 20 sentyabrdan 20 oktyabrgacha bo‘lgan davrda qabul qilindi.
Eʼlon bo‘yicha jami 5 nafar talabgor hujjat topshirdi. Barcha hujjatlar qabul komissiyasi tomonidan Nizom talablariga mosligi tekshirib ko‘rildi. Filial direktori tomonidan ichki buyruq tasdiqlandi, unga ko‘ra oliy o‘quv yurtidan keyingi taʼlimning tayanch doktorantura (PhD) shakliga o‘qishga kirish imtihonlari o‘tkazish quyidagi muddatlarda, “Mutaxassislik” fanidan 2021 yil 09 noyabr kuni, “Chet tili” fanlari bo‘yicha 2021 yil 16 noyabr kuniga beliglandi. Imtihon jarayolarini shaffofligini taʼminlash maqsadida, har ikkala imtihon kameralar orqali videokuzatuv ostida amalga oshirildi va youtube.com sayti orqali to‘g‘ridan-to‘g‘ri efirga uzatildi.
O‘tkazilgan imtixon natijalariga ko‘ra 2022 yil uchun 08.00.04-Qishloq xo‘jaligi iqtisodiyoti ixtisosligi bo‘yicha tayanch doktorantura (PhD)ga quydagi 4 nafar talbgorlar qabul qilindi hamda ilmiy tadqiqot mavzusi va ilmiy rahbarlari tasdiqlandi:
-
Avezov Humoyun Ilxomovich – “Samarqand viloyatida yong‘oq yetishtirish va sotish samaradorligini oshirish imkoniyatlari”, ilmiy rahbar: i.f.n., dotsent F.B.Axrorov
-
Baymuradova Iroda Shermamatovna – “Qishloq aholisi daromadlarining ko‘payishida agroturizmning ahamiyati”, ilmiy rahbar: i.f.d., professor K.Mamaraimov
-
Ergashov Ulug‘bek Zoxidjonovich - “Bog‘dorchilikka ixtisoslashgan klaster, uning tashkiliy mexanizmlari va rivojlantirish istiqbollari”, ilmiy rahbar: i.f.d., professor O.Murtazayev
-
Muydinov Olim Bekmuratovich – “Suv resurslaridan samarali foydalangan holda baliqchilikni rivojlantirish va qayta ishlash samaradorligini oshirish”, ilmiy rahbar: i.f.d., professor O.Murtazayev
Hozirda 08.00.04-Qishloq xo‘jaligi iqtisodiyoti ixtisosligi bo‘yicha tayanch doktorantura (PhD)da 2 nafar 2-kurs, 4 nafar 1-kurs doktorantlari tahsil olmoqda. Ushbu doktorantlar ilmiy-tadqiqot ishlariga keng jalb qilingan.