Bo‘lim haqida maʼlumot

Toshkent davlat iqtisodiyot universiteti Samarqand filiali tarkibidagi “Xalqaro hamkorlik bo‘limi” filial direktoriga bo‘ysinuvchi bo‘lim hisbolanadi. Bo‘lim mamlakatimiz Prezidenti Sh. Mirziyoyev aytib o‘tganlaridek har bir oliy taʼlim muassasasida horijlik talabalar va professor o‘qituvchilar sonini oshirishga qaratilgan ishlarni tashkil etish va bajarish uchun tashkil qilingan bo‘lim hisoblanadi. Bo‘lim tarkibida 1 bo‘lim boshlig‘i 1 ta uslubchi ish faoliyatini olib boradi.

Bo‘limning funksional vazifalari

Filialning xalqaro faoliyatini amalga oshirish bo‘yicha ishlarni tashkil etish va olib borish. Universitetning boshqa bo‘limlari bilan birga xalqaro faoliyatni barqaror rivojlantirish chora-tadbirlarini ishlab chiqish. Ilmiy-pedagogik xodimlarning malaka oshirishi, tajriba orttirishi, xalqaro konferensiya, seminar, davra suhbatlari va boshqa shu kabi tadbirlarda ishtirok etishi uchun xorijiy hamkorlik aloqalarini o‘rnatish va amalga oshirish. Talaba va magistrantlarning o‘qishi, tajriba orttirishi, xalqaro olimpiada, konferensiya, seminar va boshqa shu kabi tadbirlarda ishtirok etishi uchun xorijiy hamkorlik aloqalarini o‘rnatish va amalga oshirish. Filialning amaldagi xalqaro shartnoma va bitimlarini tizimlashtirish hamda tahlil qilib borish. Filialda xorijiy davlatlar fuqarolarini shartnoma (kontrakt)lar asosida tahsil olishi va malaka oshirishini tashkil etishda amaliy yordam ko‘rsatish. Davlatlararo va idoralararo kelishuvlar, filial tomonidan xorijiy taʼlim muassasalari va tashkilotlari bilan tuzilgan shartnomalar asosida filial xodimlarining o‘quv va ilmiy tadqiqot ishlarini tashkil etishda yordam ko‘rsatish.Universitetning yetakchi xorijiy mamlakatlarning yetakchi bank-moliya tashkilotlari, oliy taʼlim muassasalari va ilmiy markazlari bilan taʼlim, fan va madaniyat sohasida hamkorlik aloqalarini o‘rnatish, rivojlantirish va muvofiqlashtirish. Filialda o‘quv va ilmiy izlanishlar jarayoniga malakali xorijiy professor-o‘qituvchi va mutaxassislarni jalb qilish. Filialda o‘tkaziladigan anjumanlar haqida veb-saytga axborot va yangiliklar tayyorlash hamda yangilab borishda amaliy yordam ko‘rsatish.

Bo‘limning maqsadi

Bo‘limning maqsadi filial  professor o‘qituvchilari, doktorantlar, mustaqil izlanuvchilar, magistrantlar va bakalavr talabalarini xorijiy taʼlim muassasalari bilan integratsiyalarni yo‘lga qo‘yish va ularga bu borada yaqindan yordam berish hisoblanadi.Shuningdek filialda chet ellik professor o‘qituvchilar, chet ellik talabalar sonini oshirishga qaratilgan dasturlarni ishlab chiqish va ularni amalga oshirish.