Malayziyaning Linkoln universitet kolleji (www.lincoln.edu.my) 2002 yilda Linkoln kolleji (LK) sifatida tashkil etilgan va keyinchalik 2011 yilda Linkoln universiteti kolleji maqomiga ko'tarilgan. Linkoln universiteti kolleji Malayziya Oliy ta'lim vazirligi hamda Malayziya malaka agentligi (MQA-Milliy akkreditatsiya kengashi) tomonidan tasdiqlangan birinchi xususiy oliy ta'lim muassasalaridan biridir.
Linkoln universitet kolleji shuningdek, 2017 yilda Malayziya Oliy taʼlim vazirligi tomonidan berilgan besh yulduzli reytingga ega. Linkoln universitet kolleji Times Higher Education (THE) University Impact Rankings 2019 maʼlumotlariga koʻra, Malayziyaning eng yaxshi toʻqqiz universitetlari qatoriga kiritilgan. LUK ham ISO 9001:2015 sertifikatlangan akademik muassasadir. Linkoln universiteti kolleji, shuningdek, “Hindiston universitetlari assotsiatsiyasi (HUA)”, Londondagi Hamdo'stlik universitetlari assotsiatsiyasi (HUA in London) va “Xalqaro Universitetlar assotsiatsiyasi (XUA)” a'zosi.
Linkoln universitet kollejining asosiy maqsadi talabalarga qaratilgan. Bu shuni anglatadiki, har bir inson o'z hayotini yaxshilash, martabaga ko'tarilish va o'zi xohlagan shaxsiy muvaffaqiyat darajasiga erishish uchun bilim olishga haqlidir.
Toshkent davlat iqtisodiyot universiteti Samarqand filiali hamda Malayziyaning Linkoln universitet kolleji bilan 3 ta qo’shma ta’lim dasturlari mavjud bo’lib, ikki OTM o’rtasidagi hamkorlik shartnomasi 10 iyul 2021 yilda imzolangan. “Raqamli iqtisodiyot (Bachelor in Business Administration)” va “Buxgalteriya hisobi va audit (Bachelor of Business Administration in Accounting) bakalavr yo’nalishlaridagi qo’shma ta’lim dasturlariga asosan, talabalar 2+2 dasturi bo’yicha 2 yil O’zbekistonda, 2 yil Malayziyada ta’lim oladilar. Bundan tashqari, bizda “Iqtisodiyot (Master of Business Administration in Islamic Banking)” magistratura yo‘nalishi ham mavjud bo’lib, unga asosan 1+1 dasturi bo’yicha 1 yil O’zbekistonda, 1 yil Malayziyada o’qiydilar.
O’quv tili: O’zbekistonda o’zbek tilida va Malayziyada ingliz tilida. Talabalar Malayziyaning yetakchi ishlab chiqarish va sanoat korxonalarida amaliyot o’tashadi. Talabalar o’quv jarayonida bir qator fanlar bo’yicha zamonaviy bilim egallaydilar.
