TDIU Samarqand Filial qabul komissiyasining 2022-2023 o‘quv yili uchun

Qo’shma ta’lim dasturlari faoliyati yuzasidan ma’lumot

Toshkent davlat iqtisodiyot universiteti Samarqand filialida 2019-2020 o’quv yilidan boshlab xorijiy oliy ta’lim muassasalari bilan hamkorlikda qo’shma ta’lim dasturlarini amalga oshirish bo’yicha “Xorijiy oliy ta’lim muassasalari bilan hamkorlikdagi qo’shma ta’lim dasturlarini muvofiqlashtirish” bo’limi tashkil etilib, filial strukturasiga kiritilgan.

2019 yildan boshlab, Germaniyaning Vaynshtefan-Triyezdorf amaliy fanlar universiteti bilan hamkorlikda Iqtisodiyot (Oziq-ovqat tizimlaarini boshqarish) ta’lim yo’nalishi, 2020 yildan boshlab Latviya amaliy fanlar va texnologiyalar universiteti bilan Axborot tizimlari va texnologiyalari (Raqamli boshqaruv va barqaror rivojlanish) ta’lim yo’nalishi hamda 2021 yildan boshlab Malayziyaning Linkoln universitet kolleji bilan Raqamli iqtisodiyot (Biznes boshqaruv) ta’lim yo’nalishlari bo’yicha 2,5+1,5 va 2+2 ko’rinishlarida kadrlar tayyorlash yo’lga qo’yilgan.

2023-2024 o’quv yili uchun:

1. Germaniyaning Vaynshtefan-Triyezdorf amaliy fanlar universiteti bilan hamkorlikda 60310100-Iqtisodiyot (Oziq-ovqat tizimlarini boshqarish) ta’lim yo’nalishi uchun 25 ta;

2. Latviya amaliy fanlar va texnologiyalar universiteti bilan 60610200-Axborot tizimlari va texnologiyalari (Raqamli boshqaruv va barqaror rivojlanish) ta’lim yo’nalishi uchun 25 ta;

3. Latviya amaliy fanlar va texnologiyalar universiteti bilan 60310100- 60310100-Iqtisodiyot (barqaror iqtisodiyot va hududiy rivojlanish) ta’lim yo’nalishi uchun 25 ta;

4. Malayziyaning Linkoln universitet kolleji bilan 60310500-Raqamli iqtisodiyot (Biznes boshqaruv) ta’lim yo’nalishi uchun 28 ta;

5. Malayziyaning Linkoln universitet kolleji bilan 70310102-Iqtisodiyot (Islomiy bank ishi) –magistratura mutaxassisligi bo’yicha 8 ta kvota ajratildi.

Bakalavriatura bo’yicha 103 ta, magistratura bo’yicha 8 ta, jami 111 ta kvota.

O’zbekiston Respublikasi Vazirlar Mahkamasining 06.07.2021 yildagi 421-sonli qarori bilan tasdiqlangan “O’zbekiston Respublikasi va xorijiy hamkor oliy ta’lim tashkilotlarining qo’shma ta’lim dasturlari asosida ta’lim faoliyatini tashkil etish tartibi to’g’risidagi NIZOM” va Oliy va o’rta maxsus ta’lim vazirligining 2021 yil 14 iyuldagi 306-sonli buyrug’iga asoslanib, filial qo’shma ta’lim dasturlariga o’qishga qabul qilishning baholash mezonlari ishlab chiqildi va shunga asoslanib, 2023-2024 o’quv yili uchun qabul jarayonlari amalga oshirildi.

TDIU Samarqand filialining qo’shma ta’lim dasturlariga o’qishga qabul qilish 2 (ikki) bosqichda amalga oshirildi:

1-BOSQICH - TDIU Samarqand filiali va xorijiy hamkor oliy ta’lim tashkiloti bilan kelishilgan holda ishlab chiqilgan qabul qilish tartibiga asosan 2023 yil 14-15-sentyabr kuni kirish imtihonlari o’tkazildi.

2-BOSQICH - filialining buyurtmasi asosida Bilim va malakalarni baholash agentligi tomonidan 2023 yil 10-oktabr kuni qo’shma ta’lim dasturlarida o’qitish olib boriladigan chet tilidan kirish imtihoni o’tkazildi. Bunda 1-bosqichda kirish imtihonlarida to’plash mumkin bo’lgan maksimal ballning (100 ball) kamida 30% ini to’plagan abituriyentlar Bilim va malakalarni baholash agentligi tomonidan o’tkazilgan test shaklidagi imtihonda qatnashdilar.

Bilim va malakalarni baholash agentligi tomonidan chet tili fanidan test sinovlarini qayta topshirishga ariza bilan murojaat etgan abituriyentlar uchun 2023-yil 16-noyabr kuni yana imtihon tashkil qilindi.

Yakuniy natijalarga ko’ra:

1. Germaniyaning Vaynshtefan-Triyezdorf amaliy fanlar universiteti bilan hamkorlikda Iqtisodiyot (Oziq-ovqat tizimlarini boshqarish) ta’lim yo’nalishiga 5 ta;

2. Latviya amaliy fanlar va texnologiyalar universiteti bilan Axborot tizimlari va texnologiyalari (Raqamli boshqaruv va barqaror rivojlanish) ta’lim yo’nalishiga 13 ta;

3. Latviya amaliy fanlar va texnologiyalar universiteti bilan 60310100-Iqtisodiyot (barqaror iqtisodiyot va hududiy rivojlanish) ta’lim yo’nalishiga qabul bo’lmadi (tavsiya etilgan talabalar arizasiga ko’ra, Axborot tizimlari va texnologiyalari (Raqamli boshqaruv va barqaror rivojlanish) ta’lim yo’nalishiga o’tkazildi);

4. Malayziyaning Linkoln universitet kolleji bilan Raqamli iqtisodiyot (Biznes boshqaruv) ta’lim yo’nalishiga 2 ta;

5. Malayziyaning Linkoln universitet kolleji bilan Iqtisodiyot (Islomiy bank ishi) –magistratura mutaxassisligiga 5 ta.

Bakalavriatura bo’yicha 20 ta, magistratura bo’yicha 5 ta, jami 25 ta talaba.

Kvota amalda 22,5 % ga bajarildi.

Bakalavriat qo’shma dasturlariga 7 ta abituriyent ingliz tili bo’yicha B1 darajadagi milliy sertifikat bilan, Magistratura qo’shma dasturiga 1 ta abituriyent C1 darajadagi xalqaro sertifikat bilan o’qishga qabul qilindi.