Seminar - treningni o'quv ishlari bo'yicha direktor o'rin bosari F. Axrorov olib bordi. O‘zbekiston Respublikasi Vazirlar Mahkamasining 2020 yil 31 dekabrdagi “Oliy ta’lim muassasalarida ta’lim jarayonini tashkil etish bilan bog‘liq tizimni takomillashtirish chora-tadbirlar to‘g‘risida”gi 824-sonli Qarori bilan OTM larning akademik mustaqilligini kengaytirish bo‘yicha masalalar belgilandi va “Oliy ta’lim muassasalarida o‘quv jarayoniga kredit-modul tizimini joriy etish tartibi to‘g‘risida Nizom” tasdiqlangan edi.
 

   Ushbu qaror ijrosini ta’minlash maqsadida O‘zbekiston Respublikasi Oliy va o‘rta maxsus ta’lim vazirligining 2021 yil 15-yanvardagi №30-sonli buyrug‘i bilan OTM larda o‘quv jarayoniga kredit-modul tizimini joriy etishning tashkiliy masalalariga taalluqli hujjatlar namunalari tasdiqlangan. Shuningdek, barcha OTM larning 2020-2021 yilidan boshlab kredit-modul tizimiga o‘tishi, o‘quv rejalar va o‘quv dasturlarini mustaqil ishlab chiqishi belgilab qo‘yildi.

     Kredit-modul tizimini bo‘yicha amaliy tavsiyalar berish maqsadida bugungi o‘quv kursida dunyo mamlakatlaridagi kredit-modul tizimiga turlicha yondashuvlar, atamalar, kredit-modul tizimining tamoyillari, o‘quv jarayonini rejalashtirish va amalga oshirish, talabalarning mustaqil ta’limini tashkil qilish, talabalar bilimini baholash, o‘qishini ko‘chirish, chetlashtirish va tiklash masalalari ko‘rib chiqildi.

O‘quv kursining maqsadi:
   Ushbu o‘quv kursining maqsadi O‘zbekiston Respublikasi Oliy ta’lim muassasalarida kredit-modul tizimini tatbiq qilishga yo‘naltirilgan bo‘lib, unda oliy ta’limning barcha ishtirokchilari – talabalar, ilmiy izlanuvchilar, professor-o‘qituvchilar va mutasaddi rahbarlar uchun zarur ma’lumotlar va hujjatlar shakllari taqdim qilishdir.
 

Eng asosiysi: 
   O‘quv kursining oliy ta’lim muassasalari faoliyatida tutgan o‘rni hisoblanadi. O‘quv kursi oliy ta’lim muassasalaridagi talabalar, ilmiy izlanuvchilar, professor-o‘qituvchilar va mutasaddi rahbarlar tomonidan tadbiq qilinadigan – kredit-modul tizimining tamoyillari, o‘quv jarayonini rejalashtirish va amalga oshirish, talabalarning mustaqil ta’limini tashkil qilish, talabalar bilimini baholash, o‘qishini ko‘chirish, chetlashtirish va tiklash masalalariga, yangi shakldagi me’yoriy-uslubiy ish hujjatlari, yangi strukturaviy birlik – Registrator ofisi faoliyati, yangi pedagogik faoliyat turlari (edvayzer, lektor va tyutor) ning mazmun-mohiyatini ochib berishni va ularni tadbiq qilish bo‘yicha amaliy tavsiyalar ishlab chiqishni nazarda tutadi.

   Kurs yakunida tinglovchilarning o'zlari uchun kerakli bilim, ko‘nikma va malakalariga hamda kompetensiyalariga ega bo'lishdi.