Iqtidorli talabalarning ilmiy-tadqiqot faoliyatini tashkil etish bo'limi Oʻzbekiston Respublikasi Prezidentining 2018-yil 5-iyundagi “Oliy ta’lim muassasalarida ta’lim sifatini oshirish va ularning mamlakatda amalga oshirlayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlari to'g'risida”gi PQ-3775-sonli qarorida belgilangan vazifalarning ijrosini ta’minlash maqsadida tashkil etilgan va Toshkent davlat iqtisodiyot universiteti Samarqand fililalining tarkibiy tuzilmasiga kiradi.

Boʻlimning asosiy maqsadlari:

Filialda tahsil olayotgan iqtidorli talabalarni aniqlash va ilmiy-tadqiqot faoliyatiga keng jalb etish, ularda innovatsion fikrlashni shakllantirish hamda iqtidorli talabalarning ilmiy-tadqiqot faoliyati bilan shugullanishlari uchun shart-sharoitlar yaratish, erishayotgan yutuqlarini qo‘llab-quvvatlash hamda rag‘batlantirish yuzasidan kompleks chora-tadbirlarni amalga oshirishdan iborat.

Bo'lim quyidagi vazifalarni bajaradi:

• Iqtidorli talabalarning samarali ilmiy-tadqiqot faoliyati bilan shug‘ullanishlari uchun qulay shart-sharoitlar yaratish;
• Oʻzbekiston Respublikasi Prezidentining Davlat stipendiyasi, Navoiy, Islom Karimov nomidagi Davlat stipendiyalari tanlovlarida filial iqtidorli talabalarining munosib ishtirok etishlarini ta’minlash;
• Filial iqtidorli talabalarining ilmiy-innovatsion ishlanmalar, startuplar yaratish borasidagi faoliyatini har tomonlama qo‘llab-quvvatlash va rag‘batlantirish;
• Xalqaro va respublika miqyosida o'tkaziladigan olimpiada va nufuzli tanlovlarda filial iqtidorli talabalarning faol ishtirokini ta'minlash;
• Iqtidorli talabalarining xalqaro va respublika miqyosida o'tkaziladigan ilmiy-amaliy konferensiyalarida faol ishtirokini ta’minlash.