Bo‘limning vazifalari:

Oʻzbekiston Respublikasi Vazirlar Mahkamasining 2019-yil 28-maydagi “Toshkent davlat iqtisodiyot universitetining Samarqand filialini tashkil etish toʻgʻrisida”gi 438-son qaroriga muvofiq Toshkent davlat iqtisodiyot universiteti Samarqand filialida Ilmiy-tadqiqotlar, innovatsiyalar va ilmiy-pedagogik kadrlar tayyorlash bo‘limi faoliyatida O‘zbekiston Respublikasining Konstitutsiyasi, O‘zbekiston Respublikasining qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasining qarorlari va farmoyishlari, O‘zbekiston Respublikasi Oliy ta’lim, fan va innovatsiyalar vazirligining Hay’at qarorlari va buyruqlari, Oliy ta’lim, fan va innovatsiyalar vazirligi huzuridagi Oliy attestatsiya komissiyasi hamda TDIU Samarqand filiali Ustavi, filial Kengashi qarorlari, filial direktorining buyruqlari ijrosini ta’minlash bilan bir qatorda filialda fundamental, amaliy va innovatsion tadqiqotlarni rivojlantirish, davlat ilmiy-texnika dasturlarini hamda fan va texnika sohasining ustuvor yo‘nalishlarini amalga oshirish, oliy ta’lim, fan va ishlab chiqarish o‘rtasidagi innovatsion hamkorlikni muvofiqlashtirish, ustuvor, istiqbolli va ilg‘or ilmiy yo‘nalishlar bo‘yicha tadqiqotlarni tashkil qilish faoliyatini amalga oshiradi.

• filial fakultetlari va kafedralarida rejalashtirilgan ilmiy tadqiqot ishlarining yillik va istiqbolli rejalarini tuzish, ularni bajarilishini tashkillashtirish, tegishli amaliy-uslubiy yordamlar ko‘rsatish, o‘rnatilgan tartiblar asosida hisobotlar tayyorlanishini nazorat qilish;

• fakultetlar va kafedralarning ilmiy darajali kadrlar bilan ta’minlash strategiyasini ishlab chiqish va amalga oshirish;

• filial professor-o‘qituvchilarini xorijiy va davlat grantlari, xo‘jalik shartnomalari asosidagi tadqiqotlarga jalb etish, kafedralarda yaratilayotgan ilmiy ishlanmalarni amaliyotga tadbiq etilishi, innovatsion hamkorlik ishlarida faol ishtirok etishini ta’minlash;

• filialda professor-o‘qituvchilar va iqtidorli talabalar ishtirokida xalqaro va respublika miqyosidagi ilmiy-amaliy konferensiyalar o‘tkazish rejalarini ishlab chiqish va ularning yuqori saviyada o‘tkazilishini ta’minlash;

• filialda tayanch doktorantura hamda mustaqil izlanuvchilikka qabul jarayonini tashkil etish, izlanuvchilarning shaxsiy ish rejalarini tasdiqlash va bajarilishini muntazam nazorat qilib borish;

• tayanch doktorantlarni O‘zbekiston Respublkasi Prezidenti stipendiyasi tanlovlarga tayyorlash va ularni faol ishtirokini ta’minlash.

• filial professor-oʻqituvchilarining shaxsiy ish rejasida belgilangan ilmiy tadqiqot ishlari rejasi bajarilishini nazorat qilib borish va monitoringini yuritish.