Toshkent davlat iqtisodiyot universiteti Samarqand filiali “Tabiiy, ijtimoiy fanlar va jismoniy madaniyat” kafedrasi tomonidan “Ekstremizm – yoshlar kelajagiga tahdid” mavzusida magistratura talabalari bilan ma’naviy-ma’rifiy uchrashuv o‘tkazildi. Unda kafedra muduri falsafa doktori (PhD), tarix f.b., U.Xudayarov, dotsent Z.Bobomurodov,  falsafa doktori (PhD), dotsent v/b., S.Abdivohidovlar o‘z ma'ruzalari bilan ishtirok etdilar.   Tadbirdan kuzlangan asosiy maqsad yurtimizda turli din vakillarining birga ahil, inoq va bir oila farzandlari kabi tinch-totuv yashab kelayotgani ota-bobolarimizdan qolgan qadriyatdir. Ayni kunda yoshlarimiz uchun davlatimiz barcha shart-sharoitlarni yaratib bermoqda. Izlanuvchan va iqtidorli yoshlarimiz ko‘p. Ular xalkaro olimpiadalarda, sport arenalarida davlatimiz ishonchini oqlab kelmoqdalar.

Shuni ham ta’kidlash kerakki, hozirgi kunda islom niqobi ostida ekstremistik oqimlar yoshlarimiz ongini zaharlashga urinmoqda.

Bu nafaqat yoshlarimizga, mustaqilligimizga ham taxdiddir. Bunday yot g‘oyalardan ehtiyot bo‘lib, atrofimizda ro‘y berayotgan voqea-hodisalarga befarq bo‘lmasligimiz kerak. Oilada, maktabda, oliygohlarda yoshlarimiz bo‘sh vaqtlarini samarali tashkil etish, ularni foydali mashg‘ulotlarga jalb etishga e’tibor qaratish lozim, professor-o‘qituvchilar va talaba-yoshlarga diniy ekstremistik oqimlar tushunchasi, uni keltirib chiqaruvchi sabablar va hozirgi kunda bu kabi salbiy illatni oldini olish bo‘yicha amalga oshirilayotgan ishlar hakida fikr-mulohazalar bildirildi.