O‘zbekiston Respublikasi Prezidentining «O‘zbekiston Respublikasi aholisiga axborot-kutubxona xizmati ko‘rsatishni yanada takomillashtirish to‘g‘risida»gi qarorida Respublikamizda 21 may Kutubxonachilar kuni deb belgilan. Shu munosabat bilan Toshkent davlat iqtisodiyot universiteti Samarqand Filiali xodimlari va bir guruh iqtidorli talabalari kutubxonachilarni tabriklashning noodatiy uslubidan foydalanishdi. Ular navbatdagi kitobxonlik tadbirini Samarqand shahridagi 30-o`rta maktabda o`tkazishdi.

Dastlab, Filialning Ta`lim sifatini nazorat qilish bo`limi boshlig`i I.M.G`aniev va 3-kurs talabasi I.Berdiyorovalar to`planganlarni Filial haqidagi ma`lumotlar, undagi talabalar hayoti bilan tanishtirishdi. Keyin TDIUSF Axborot-resurs markazi direktori Jamila Islomova va Samarqand shahar 30-maktab ARM direktori Nodira Nurmurodovalar so`zga chiqishib kitobxonlik tadbirini ochib berishdi.

Asosiy ma`ruzachi Filialning 3-kurs talabasi Parizod Axtamova bugungi kitobxonlik uchun tanlangan  Paulo Koeloning “Al-kimyogar” asarining asosiy mazmunini tadbir ishtirokchilariga prezentatsiya qilib berdi. Keyin tadbir ishtirokchilari kitob, undan chiqadigan asosiy xulosalarni keng muhokama qilishdi. Kitobni o`qimaganlarga uni o`qish va bundan juda kata xulosalar olish mumkinligini tavsiya qilishdi.

Tadbirda yuqorida ta`kidlanganlardan tashqari, TDIUSF matbuot kotibi P.Amriddinova, iqtidorli talabalar – J. Usmonqulov, A.Xurramov, N. Qarshiboeva, A.Nasrullaev, R.Abdunabiev, Z.Nurmatova, U.Sobirov, M.Abdrimova, D.Amonova, shuningdek, 30-maktab ARM xodimlar, o`qituvchilari hamda 10"A"-sinf òquvchilari R.Mamadiyeva, L.Sa'dullayev, 11"B"-sinf òquvchi A.Rasulmaxmedovlar faol ishtirok etishdi.

Tadbir davomida maktab o`quvchilarini Filial faoliyati, undagi o`quv jarayoni bilan tanishuv uchun hamda navbatdagi kitobxonlik tadbirlarida bevosita talabalar bilan qatnashish uchun taklif qilindi. Kutubxona xodimlariga esa bayram munosabati bilan olib borilgan Filial TSNQB tomonidan asosiy sovg`a – kitoblar taqdim qilindi.