2022-yil  10-may kuni Toshkent davlat iqtisodiyot universiteti Samarqand filiali “Agrobiznes va investitsion faoliyat” ta’lim yoʻnalishi talabalari “Agrobiznesda innovatsion faoliyat” fanidan  “Oziq-ovqat va qishloq xoʻjaligi” kafedrasining assistenti O.Muydinov rahbarligida yangi innovatsion oʻsimliklar va texnologiyalar bilan tanishish maqsadida Toshkent davlat agrar universiteti Samarqand filialida boʻldi.

Mehmonlar qishloq xoʻjaligi boʻyicha falsafa doktori Anvar Shamsiev tomonidan kutib olindi. Dastlab A.Shamsiyev TDAU Samarqand filialida ilmiy izlanishlar olib borilayotgan yangi innovatsion oʻsimliklar koʻrgazmasi bilan tanishtirib oʻtdi.

Shundan soʻng filial olimlari tomonidan yaratilgan qishloq xo’jalik agregatlari bilan tanishtirdi.

Talabalarda yangi innovatsion Pavloniya daraxti, biogumus yetishtirish texnologiyasi, “Innovatsion resurs-tejamkor kichik yopiq maydo” startap loyihalari katta qiziqish uygʻotdi.

Shundan so’ng issiqxonada yetishtirilayotgan batat (shirin kartoshka) koʻchatlari bilan tanishtirildi. Bu oʻsimlik Oʻzbekiston qishloq xoʻjaligida noanʼanaviy tuganak mevali ekinlardan biri boʻlib talabalarda juda katta qiziqish uygʻotdi. Batat asli kelib chiqishi Janubiy Amerika boʻlib, hozirda Xitoy, Janubiy Koreya, Yaponiya kabi Osiyo mamlakatlarida ham sevib iste’mol qilinadi.

Bundan tashqari talabalar oʻsimliklar zararkunandalariga qarshi biologik kurash laboratoriyasida olib borilayotgan ilmiy izlanishlar bilan ham yaqindan tanishdi.

Filialda Germaniyadan keltirilgan  sutni qayta ishlash texnologiyasi yordamida kuniga 1 000 litr sutni qayta ishlash orqali sut mahsulotlari olinmoqda.

Tashrif soʻngida filialllar oʻrtasida kelgusida olib borilishi mumkin boʻlgan ilmiy ishlar to’g’risida kelishib olindi.