“EL-YURT UMIDI” JAMG‘ARMASI 2024 YILGI 1-OCHIQ STIPENDIYA TANLOVINI E’LON QILADI!
Mamlakatimizning innovatsion salohiyatini yanada rivojlantirishni maqsad qilgan, kreativ fikrlaydigan yoshlar, iste’dodli professor-o‘qituvchilar, yosh olimlar va ilmiy tadqiqotchilar, pedagoglar va iqtisodiyot tarmoqlari mutaxassislari diqqatiga!
“El-yurt umidi” jamg‘armasi Vasiylik kengashining 2024 yil 21 iyundagi 2-son qarorga asosan xorijiy davlatlar nufuzli universitetlari va ilmiy markazlarida bakalavriat, magistratura va doktoranturada ta’lim olish uchun 500 o‘ringa mo‘ljallangan Jamg‘armaning 2024 yilgi 1-ochiq stipendiya tanlovini e’lon qiladi!
Mazkur stipendiya tanlovi uchun o‘rinlar ajratilishda bugungi kunda mamlakatimizda ancha tanqis hisoblagan mutaxassisliklar bo‘yicha, jumladan iqtisodiyotning drayver sohalarga (energetika, qishloq va suv xo‘jaligi, transport, arxitektura-qurilish) STEM (ilm-fan, texnologiya, injeneriya va matematika) fanlariga va boshqa ustuvor mutaxassisliklarga alohida e’tibor qaratildi.
“El-yurt umidi” jamg‘armasi 2024 yilgi 1-ochiq stipendiya tanlovida 500 o‘rin 2024-2025 o‘quv yilida xorijda ta’lim olish uchun eng nufuzli xorijiy davlatlarda:
- bakalavriat ta’lim dasturi uchun 100 o‘rin,
- magistratura ta’lim dasturi uchun 250 o‘rin,
-doktorantura ta’lim dasturi uchun 150 o‘ringa stipendiyalar ajratishini ma’lum qiladi.
Agar Siz yuqori intellektual salohiyatga ega, zamonaviy va kreativ fikrlaydigan, mamlakat iqtisodiyoti va ilm-faniga innovatsion g‘oyalar va texnologiyalar olib kirish hamda uni raqamli asosda qayta shakllantirish asnosida rivojlantirishni o‘z oldingizga maqsad qilib qo‘ygan bo‘lsangiz – bu imkoniyat aynan Siz uchun!
Stipendiya tanloviga nomzodlar hujjatlarini qabul qilish joriy yilning 25-iyunidan 25-iyuliga qadar, respublikaning barcha hududlari vakillari uchun yagona tartib va teng imkoniyat asosida, onlayn rejimda va elektron tarzda qabul qilinadi.
Nomzodlar hujjatlarni topshirish jarayonida bugungi kunda amalda bo‘lgan xorijiy ta’lim muassasasiga o‘qishga qabul qilinganligi yoki shartli qabul qilinganligi to‘g‘risidagi taklifnoma-xat (Letter of acceptance yoki Letter of conditional acceptance), nufuzli universitetlarda o‘qiyotgan nomzodlar xorijda ta’lim olayotganligini tasdiqlovchi ma’lumotnomalarni yuklashlari talab etiladi.
Nomzodlar tomonidan tizimga yuklanadigan xorijiy ta’lim muassasasiga o‘qishga qabul qilinganligi yoki shartli qabul qilinganligi to‘g‘risidagi taklifnoma-xat (Letter of acceptance yoki Letter of conditional acceptance) yoki ma’lumotnomalarda ta’lim olishni boshlash davri va ta’lim oladigan mutaxassislik nomi aniq ko‘rsatilishi lozim.
Nomzodlar tomonidan nufuzli universitetlardan o‘qish xarajatlari bo‘yicha grantlar (chegirmalar) mavjud bo‘lgan taqdirda mazkur ma’lumotlarni tasdiqlovchi hujjatlarni yuklashlari shart.
Bakalavriat dasturida ishtirok etadigan nomzodlar maktabni, litsey va kollejni tugatganligini tasdiqlovchi attestat va diplomlar bilan ishtirok etishlari talab etiladi.
Mazkur tanlovdan “El-yurt umidi” jamg‘armasi orqali, xorijda ta’lim olishning boshqa xarajatlari meyorlari kabi, o‘qish xarajatlarining ham eng yuqori miqdori belgilanganligiga e’tibor berishingizni so‘raymiz.
Saralash tanlovi jarayonlarini o‘tkazish, jumladan nomzodlarning intellektual, tahlil qilish va ijodiy qobiliyatlari darajasini aniqlashga qaratilgan qo‘shimcha test sinovlari hamda nazariy bilim va amaliy ko‘nikmalari darajasini aniqlashga qaratilgan davlat tilida suhbat o‘tkazish joriy yilning 25-iyuldan 24-avgustga qadar davom etadi.
Tanlovga oid barcha ma’lumotlar “El-yurt umidi” jamg‘armasining www.eyuf.uz sayti orqali batafsil e’lon qilib boriladi. Nomzodlar uchun barcha zarur ma’lumotlar Jamg‘armaning Onlayn hujjat topshirish platformasida batafsil yoritib berilgan: http://admission.eyuf.uz.
E’tibor bering, (http://admission.eyuf.uz onlayn qabul platformasi 2024-yil 25-iyundan boshlab hujjatlarni qabul qilishni boshlaydi.
Siz ham shunday imkoniyatini qo‘ldan boy bermang!!!
“El-yurt umidi” jamg‘armasi yurtimizning umidi, ishonchi va tayanchi bo‘lgan
Siz yoshlarni ochiq stipendiya tanlovida kutib qoladi!
Qo‘shimcha savollarga javoblarni +998 94 642 30 02 Iqtidorli talabalarning ilmiy tadqiqot faoliyatini tashkil etish bo‘limi boshlig‘i J.Bo‘riboyevga murojaat qilishingiz mumkin.
Xorijiy til sertifikatiga ega talabalar, magistr va doktorantlar J.Bo‘riboyevga murojaat qilishingiz so‘raladi.