Toshkent davlat iqtisodiyot universiteti Samarqand filiali Xitoyning Liaoning Neft-Kimyo universiteti bilan hamkorlik o'rnatdi.
Toshkent Davlat Iqtisodiyot Universitetining Samarqand Filiali va Xitoyning Liaoning Neft-Kimyo Universiteti o‘rtasida hamkorlik bo‘yicha matbuot bayonoti

2024 yil 13 iyun kuni Toshkent Davlat Iqtisodiyot Universitetining Samarqand Filiali va Xitoydagi Liaoning Neft-Kimyo Universiteti o‘rtasida xalqaro hamkorlik bo‘yicha memorfndum imzolandi. Liaoning Neft-Kimyo Universiteti neft va neft-kimyo sohasida ixtisoslashgan ko‘p tarmoqli universitet bo‘lib, muhandislik, fan, iqtisodiyot, menejment, adabiyot, huquq, taʼlim va sanʼat kabi 8 ta asosiy fanlar bo‘yicha rivojlanishga erishgan universitetdir. U AQSH, Buyuk Britaniya, Rossiya, Yaponiya, Finlyandiya, Gretsiya va Janubiy Koreya kabi 17 dan ortiq davlatdan 47 ta universitet va tadqiqot institutlari bilan uzoq muddatli hamkorlikni yo‘lga qo‘ygan.

Liaoning Neft-Kimyo Universiteti delegatsiyasi tarkibi:
Qian Jianhua - Rektor
Pan Yi - Neft muhandisligi fakulteti dekani
Li Huipeng - O‘quv ishlari bo‘yicha prorektor
Kong Xianming - Xalqaro aloqalar bo‘limi boshlig‘i o‘rinbosari
Yang Qian - Chet tillar fakulteti qoshidagi rus tilini o‘qitish va ilmiy tadqiqot bo‘limi direktori

TDIUSF va LNPU o‘rtasidagi hamkorlik quyidagilarni o‘z ichiga oladi:
TDIUSF bakalavriat talabalari tegishli sohalarda ikki tomonlama diplom olish uchun LNPUda almashishadi va o‘qishadi.
TDIUSF bakalavriat talabalari LNPUda magistraturada tahsil olishadi.
LNPU bitiruvchilari TDIUSF magistratura dasturiga hujjat topshirishadi.

Ikki hamkor universitet professor-o‘qituvchilari o‘rtasida o‘quv va ilmiy almashinuv dasturlarini amalga oshirishga kelishib olindi.

Akademik almashinuvlar, ilmiy konferensiyalarni hamkorlikda tashkil etish va ilmiy tadqiqot hamkorliklari olib boriladi.
TDIUSF talabalari LNPUga xitoy tili dasturini o‘rganish uchun borishadi.

Bu hamkorlik orqali TDIUSF va LNPU o‘rtasidagi aloqalar yanada mustahkamlanadi va talabalarga xalqaro darajada taʼlim olish imkoniyati yaratiladi. Ikki tomon ham bu kelishuvdan qoniqish bildirib, kelgusida hamkorlikni yanada rivojlantirish niyatida ekanliklarini taʼkidlashdi.

TDIUSF matbuot xizmati