Toshkent davlat iqtisodiyot universiteti Samarqand filiali respublika iqtisoditotining barcha tarmoq va sohalariga zamonaviy, intellectual yetuk kadrlarni etkazib berishni o‘z oldiga maqsad qilib qo‘ygan.
Mehnat yarmarkasida 50 dan ortiq ish beruvchi korxona, muassasa, tashkilot, yirik tadbirkorlik subyektlar vakillari ko‘rgazmali material va taqdimotlar bilan ishtirok etishdi. Jumladan, viloyat kambag‘allikni qisqartirish va bandlik bosh boshqarmasi hamda tuman bo‘limlari, viloyat iqtisodiyot va moliya boshqarmasi, viloyat g‘aznachilik boshqarmasi, viloyat statistika boshqarmasi, shahar davlat soliq inspeksiyasi, viloyat investitsiyalar, sanoat va tashqi savdo boshqarmasi, viloyat qishloq xo‘jaligi boshqarmasi, Uztelekom AK Samarqand filiali, Davlat aktivlarini boshqarish agentligi Samarqand viloyati hududiy boshqarmasi, IT Park Samarqand viloyat filiali, Markaziy bank viloyat boshqarmasi, ATB “Ipotekabank”, ATB “Hamkorbank”, ATB “Mikrokreditbank”, AT “Xalq banki”, ATB “Tenge Bank”, “SAM ANTEP GILAM” qo‘shma korxonasi MChJ “Siyob Group Companies holding” MChJ, “Farm Lyuks Invest” MChJ, “Network Techno Servise” MChJ, “Dil Rizo Garant” MChJ, “My House Group” MChJ, “TMS-Miracle” MChJ, “Mini Maks Finance” buxgalterlik firmasi kabi tashkilot rahbar va mutaxassislari bo‘sh ish o‘rinlari bilan ishtirok etishdi.
Bu kabi mehnat yarmarkalari an’anaviy tarzda har yili bo‘lib o‘tadi. Yarmarkadan ko‘zlangan maqsad – bitiruvchi va tashkilot o‘rtasida aloqa ko‘prigini yaratish, bo‘sh ish o‘rinlari bilan tanishish hamda yosh mutaxassislarning bandligini ta’minlashdir. Bitiruvchilarni mehnat bozoridagi yangi talablar bilan tanishtirish, amaliyot o‘tash va ishga joylashishlari uchun sharoit yaratishdan iborat. Soha vakillari davlatimiz tomonidan yoshlarga yaratib berilgan imkoniyatlar, shart-sharoitlar, amalga oshirilayotgan ishlar va o‘zgarishlar haqida o‘z fikrlari bilan bo‘lishishdi.
Joriy o‘quv yilida filialni 405 nafar talaba bitirmoqda. Karyera kunida talabalar to‘g‘ridan to‘g‘ri ish beruvchilar bilan muloqot qilib qiziqtirgan savollariga atroflicha ma’lumot va yangiliklar olishdi. Buning natijasida 52 nafar bitiruvchi ishga joylashish uchun yo‘llanma oldi. Bitiruvchilarning 34 nafari bilan uch tomonlama shartnoma imzolashga erishildi.