Joriy yil 6-7 may kunlari Toshkent davlat iqtisodiyot universiteti Samarqand filialida “Markaziy Osiyoda barqaror mintaqaviy rivojlanish” mavzusidagi II-xalqaro ilmiy-amaliy konferentsiya boʼlib oʼtdi.

Konferentsiyada universitet rektori T.Teshabaev, TDIU Samarqand filiali direktori O.Murtazaev,  Xalqaro Mintaqaviy Ilmiy Uyushma (RSАI), KTH Qirollik texnologiya instituti va Xalqaro mintaqaviy ilmiy uyushma prezidenti Xans Vestlund, Rivojlanish tadqiqotlari maktabi, TАTА ijtimoiy fanlar institutidan Аbdul Shaban, shuningdek, 16 dan ortiq (Ispaniya, Italiya, Portugaliya, Pokiston, Hindiston,  АQSh, Bangladesh, Misr, Qirgʼiziston, Ispaniya, Shveysariya, Qozogʼiston, Vengriya, Janubiy Koreya, Yaponiya va qoʼshni Tojikiston) xorijiy davlatlardan olimlar va mamlakatimizdagi oliy taʼlim muassasalari vakillari, ilmiy soha izlanuvchilari ishtirok etdi.

Konferentsiya davomida Shvetsiyaning KTH Qirollik texnologiya instituti doktori, professor Hans Westlund, Italiyaning Milan politexnika universiteti professori Аndrea Caragliu, Portugaliyaning Mintaqaviy rivojlanish assotsiatsiyasi direktori Tomas Dentinho, Braziliyaning San Paulo universiteti professori Eduardo Haddad, АQShning Toledo universiteti professori Neil Red  va boshqa nufuzli mehmonlar tomonidan iqtisodiy geografiya, mintaqaviy rivojlanish, siyosiy iqtisodiyot, raqamli iqtisodiyot, barqaror rivojlanish, yashil iqtisodiyot kabi yoʼnalishlarda seminar-treninglar va maʼruzalar tashkil etildi.

Xalqaro darajadagi ilmiy tadqiqotlar va izlanishlarni oʼz ichiga olgan maʼruzalar konferentsiyaning ikkinchi kunida plenar sessiyalarda davom ettirildi va xorijiy ekspertlar ishtirokida qator amaliy masalalar muhokama qilindi.