Toshkent davlat iqtisodiyot universiteti Samarqand filialida “Bir asrning ikki dahosi” nomli bellashuv bo‘lib o‘tdi.
2024-yil 13-fevral kuni soat 10:00 da Toshkent davlat iqtisodiyot universiteti Samarqand filialida buyuk mutafakkir, atoqli davlat va jamoat arbobi, yurt obodligi, xalq farovonligi, ma’naviyat va madaniyat rivojiga beqiyos darajada hissa qo‘shgan Alisher Navoiy tavalludining 583 yilligini hamda buyuk davlat arbobi, mohir sarkarda, olim va shoir Zahiriddin Muhammad Bobur tavalludining  541 yilligini keng nishonlash maqsadida “O‘zbek tili va xorijiy tillar” kafedrasi tomonidan “Bir asrning ikki dahosi” nomli bellashuvi tashkil etildi. Bellashuvda 3 ta terma jamoa - “O‘zbegim”, “Moziy” hamda “Intellekt” jamoalari ishtirok etdi.  
Tadbirda O‘zbekiston yozuvchilar uyushmasi Samarqand viloyati bo‘limi bosh mutaxassisi Zuhrabegim Eshonqulova va shoira Anora Utamurodovalar mehmon bo‘lishdi. Tadbirni filial direktori, professor O. Murtazayev kirish so‘zi bilan ochib berdi
Bellashuv qizg’in va taassurotlarga boy bo‘ldi.
Quyidagi jamoalar g'oliblikka erishdilar hamda filial ma'muriyati tomonidandiplom va esdalik sovg'alari bilan taqdirlandilar:
 1- o‘rinni “Intellekt” jamoasi
2- o‘rinni “Moziy” jamoasi
3- o‘rinni “O‘zbegim” jamoasi egalladi.