Toshkent davlat iqtisodiyot universiteti Samarqand filialida Аlisher Navoiy tavalludining 583 yilligiga bagʼishlab davra suhbati tashkil etildi.
Buyuk shoir va mutafakkir, atoqli davlat va jamoat arbobi Аlisher Navoiyning bebaho ijodiy-ilmiy merosi nafaqat xalqimiz, balki jahon adabiyoti tarixida, milliy madaniyatimiz va adabiy-estetik tafakkurimiz rivojida alohida oʼrin tutadi. Ulugʼ shoir oʼzining sheʼriy va nasriy asarlarida yuksak umuminsoniy gʼoyalarni, ona tilimizning beqiyos soʼz boyligi va cheksiz ifoda imkoniyatlarini butun jozibasi va latofati bilan namoyon etib, yer yuzidagi millionlab kitobxonlar qalbidan munosib va mustahkam oʼrin egalladi.
Soʼnggi yillarda Аlisher Navoiyning boy va serqirra ijodiy merosini har tomonlama chuqur oʼrganish, uning oʼlmas asarlarini yurtimizda va xorijiy mamlakatlarda keng targʼib qilish hamda xotirasini abadiylashtirish borasida qator ishlar amalga oshirilmoqda.
O’zbek tili va xorijiy tillar kafedrasi tomonidan buyuk adib, g’azalnavis shoir Аlisher Navoiy tavalludining 583 yilligiga bag’ishlangan davra suhbati tashkil etildi. Tadbirni filialimiz direktori Olim Murtazaev ochib berdilar. Tadbirga O’zbekiston Finlandiya Pedagogika Instituti Boshlang’ich Talim va Gumanitar fanlar fakulteti Boshlang’ich talim nazariyasi kafedrasidan Otayarova Umida va Mirsanova Moxiralar mehmon sifatida tashrif buyurdilar. Tadbir qiziqarli o’tdi va qizgin savol-javoblarga boy o’tqazildi. Yakunlash uchun esa so’z filialimiz direktorining yoshlar masalalari va maʼnaviy-maʼrifiy ishlar boʼyicha oʼrinbosari Xasan Ibragimovich Turdibekovga berildi.