Toshkent davlat iqtisodiyot universiteti Samarqand filialida “Korrupsiya va odam savdosiga qarshi kurash” mavzusida davra suhbati o‘tkazildi.
Filial korrupsiyaga qarshi kurash "Komplayens nazorat” tizimini boshqarish bo‘limi bosh mutaxassisi A.A.Axmedov  tomonidan talabalar bilan “Korrupsiya va odam savdosiga qarshi kurash” mavzusida davra suhbati o‘tkazildi.
2023-yil 20-noyabr kuni  korrupsiyaga qarshi kurash “Komplayens” nazorat bo'limi bosh mutaxassisi A.A.Axmedov, ta’lim-tarbiya maslahatchisi N.A.Ashirbayeva va BH-121,221,321-guruhi talabalari ishtirokida  “Korrupsiya va odam savdosiga qarshi kurash ” mavzusida davra suhbati tashkil etildi. Davra suhbatida bugungi kunda dolzarb masalalardan biri bo'lgan odam savdosining oldini olish va unga qarshi kurashish borasida O'zbekiston Respublikasida ham qator chora-tadbirlar amalga oshirib kelinmoqda. Shu bilan birga, odam savdosi transmilliy, ya'ni hudud va chegara tanlamaydigan jinoyat ekanligi hisobga olinib, davlatimiz 2003 yil 12 dekabrda BMT Bosh Assambleyasi tomonidan 1950 yilda qabul qilingan “Odam savdosi va fohishalikning uchinchi shaxslar tomonidan ishlatilishiga qarshi kurash to'g'risida”gi Konventsiyaga qo'shildi.Birlashgan Millatlar Tashkiloti Bosh Assambleyasining 2000 yil 15 noyabrdagi rezolyutsiyasi bilan qabul qilingan "Transmilliy uyushgan jinoyatchilikka qarshi kurash to'g'risida"gi Konventsiya, shuningdek, odam savdosi, ayniqsa, ayollar va bolalarni sotishning oldini olish, unga chek qo'yish va buning uchun jazolash to'g'risidagi qo'shimcha protokol ham ratifikatsiya qilindi. Odam savdosi faqatgina O'zbekiston Respublikasining muammosi sifatida qarashimiz noto'g'ri bo'ladi, chunki hozirgi kunda odam savdosi bilan bog'liq jinoyatlar ko'plab mamlakatlarda keng tarqalib butun dunyo hamjamiyatini xavotirga solmoqda. eng achinarlisi, odam savdosi bog'liq jinoyatchilikning keng quloch yozishiga: aholining ijtimoiy himoyaga muhtoj qatlamlari - ishsiz yurgan fuqarolar, turmush hayotida ko'p qiyinchilikka uchragan ayollar va ota – onasining e'tibori va qaramog'idan chetda qolgan voyaga etmagan shaxslarning go'yoki ularning muammolarini hal qilgan kabi ko'rinib, o'zlarining g'arazli maqsadlarida  foydalanayotganligidadir. Korrupsiyaga qarshi kurash dunyo miqyosida bugungi kunning eng dolzarb masalalaridan bir boʼlib qolmoqda. Bu illatga qarshi kurash dunyoning koʼplab mamlakatlarini qamrab olmoqda. Oʼzbekiston Respublikasi ham korrupsiyaga qarshi kurashga oʼz hissasini qoʼshib kelmoqda. Hozirgi paytda respublikamizda korrupsiyaga qarshi kurash doirasida bir qator dasturlar qabul qilindi va ular boʼyicha keng qamrovli ishlar amalga oshirilib kelinmoqda deb ta'kidlab o'tdilar. Davra suhbati davomida talabalar o’zlarini qiziqtirgan barcha savollarga atroflicha javob oldilar.