Toshkent davlat iqtisodiyot universiteti Samarqand filiali talabalari o‘rtasida “Yil talabasi 2023” tanlovi o‘tkaziladi.
O‘zbekiston Respublikasi Vazirlar Mahkamasining “Ta’lim tizimida ma’naviy-ma’rifiy ishlar samaradorligini oshirish chora-tadbirlari to‘g‘risida” 2018-yil 17-sentabrdagi 736-sonli qarorida belgilangan vazifalar ijrosini ta’minlash maqsadida Toshkent davlat iqtisodiyot universiteti Samarqand filiali talabalari o‘rtasida “Yil talabasi 2023” tanlovi o‘tkaziladi.

Ilmda va jamoat ishlarida katta yutuqlarga erishgan talabalarni qo‘llab-quvvatlash, ularning o‘z iqtidorlarini namoyon etishlariga imkoniyatlar yaratish, ularni moddiy va ma’naviy rag’batlantirish hamda talabalik nufuzini oshirish maqsadida 2023-yilning noyabr oyida “Yil talabasi” tanlovi o‘tkaziladi.

Tanlov quyidagi nominatsiyalar bo‘yicha o‘tkaziladi:

1.“Yilning o‘z mutaxassisligi bo‘yicha eng bilimdon talabasi” bunda talabaning fanlarni o‘zlashtirishi va o‘quv jarayonlardagi ishtiroki va faolligi, chop etilgan maqola va tezislari hamda ularning mazmun-mohiyati, dolzarbligiga oid ishlar ko‘rib chiqiladi;

2.“Yilning eng faol targ'ibotchi talabasi” bunda talabaning oliy ta’lim muassasasi jamoat ishlaridagi va boshqa jamoat tashkilotlari faoliyatidagi amaliy ishtiroki, faollik darajasi, targ‘ibotchi sifatidagi namunaviy ishlari, tashkilotchilik qobiliyati va shu asosda o‘zi tashkil etgan tadbirlar mazmuni, erishgan yutuqlari ko‘rib chiqiladi;

3.“Yilning eng faol ixtirochi-innovator talabasi” bunda joriy yilda talaba tomonidan yaratilgan ilmiy ishlar, ixtirolar, innovatsion g‘oyalari, ratsionalizatorlik takliflari, ularning yangiligi, dolzarbligi va ilmiy ahamiyati ko‘rib chiqiladi;

4.“Yilning eng faol sportchi talabasi” bunda joriy yilda talabaning xalqaro va respublika miqyosidagi o‘tkazilgan sport musobaqalaridagi yutuqlari va erishgan natijalari ko‘rib chiqiladi;

5.“Yilning eng faol iqtidorli talabasi” ” (rangtasvir, grafika, dizayn, amaliy san’at, haykaltaroshlik bo‘yicha), bunda talabaning joriy yilda mustaqil ravishda yaratgan ijodiy asarlari, erishgan yutuqlari hamda turli tanlov va ko‘rgazmalardagi ishtiroki ko‘rib chiqiladi.

6.“Yilning eng faol ijodkor talabasi” bunda talabaning joriy yilda o‘z ijodiy badiiy asarlar, maqola, joriy yilda chop etilgan risola, kitob, musiqa, kino va teatr sohasidagi qiziqishlari hamda ma’naviy-ma’rifiy, ilmiy-ijodiy jarayonlardagi ishtiroki va erishgan yutuqlari ko‘rib chiqiladi.

7.“Yilning eng faol tadbirkor talabasi” (xotin-qizlar uchun) bunda joriy yilda mustaqil ravishda tadbirkorlik faoliyatini yo‘lga qo‘ygan talaba-qizlarning erishgan yutuqlari hamda yoshlarni ish bilan ta’minlaganlik darajasi ko‘rib chiqiladi.

Yuqoridagi nominatsiyalar bo‘yicha 1, 2 va 3-o‘rinlarni egallagan g‘olib va sovrindorlar oliy ta’lim muassasasining faxriy yorlig‘i hamda,

 1-o‘rin sohibi bazaviy hisoblash miqdorining 8 barobari,

 2-o‘rin sohibi bazaviy hisoblash miqdorining 6 barobari

 3-o‘rin sohibi bazaviy hisoblash miqdorining 4 barobari

miqdorida moddiy rag‘batlantiriladi. Shuningdek, 7 ta nominatsiya bo‘yicha birinchi o‘rinni egallaganlar Respublika bosqichiga tavsiya etiladi.

Tanlovda oliy ta’lim muassasasida uzluksiz (akademik ta'tilsiz) kunduzgi ta’lim shaklida o‘qib kelayotgan talabalar qatnasha oladilar. Mazkur tanlovda oldingi yillarda ishtirok etib 1-, 2- va 3-o‘rinni egallagan talabalaming qayta ishtirok etishiga yo‘l qo’yilmaydi.

 Tanlovda qatnashmoqchi bo‘lgan 2, 3, va 4 – kurs talabalari o‘z hujjatlarini joriy yilning 15 – noyabr sanasiga qadar “A” bino 205 – xonaga topshirishlari so‘raladi.

ESLATMA: Talaba tomonidan quyidagi hujjatlar oliy ta’lim muassasasining tanlov komissiyasiga taqdim etiladi:

- ishtirokchining qobiliyati, fanlami o’zlashtirish darajasi, yetakchilik qobiliyati, erishgan yutuqlari, darslardagi faol ishtiroki, talabalarga o‘rnak bo‘ladigan jihatlari va jamoat ishlaridagi faoliyati haqidagi ma’lumotlar bayon etilgan ikki betdan oshmaydigan hajmdagi taqdimnoma;

 - tanlov ishtirokchisining fanlarni o’zlashtirish natijalari aks etgan hujjatlar (baholarni qayd etish varaqalari, talabaning baholarni o’zlashtirish sinov daftarchasi) nusxalari; tanlov ishtirokchisining nashr etilgan ilmiy, ilmiy-uslubiy, ijodiy ishlari, ularga tegishli mutaxassislardan olingan taqrizlar bilan birga va ijodiy ishlarning elektron shakli;

- xalqaro va respublikamiz miqyosida o’tkazilgan tadbirlar, tanlovlarda faxriy yorliqlar va diplomlar bilan taqdirlanganligi to’g’risidagi ma’lumotlar (nusxalari ilova qilinadi);

- grantlarda ishtirok etganligi to’g’risidagi ma’lumotnoma, grantning nomi, moliyalashtirish hajmi, ishtirokning shakli va darajasi ko‘rsatiladi;

- konferensiyalardagi ishtiroki haqidagi ma’lumotlar, ilmiy ishlar ro’yxati va ilmiy ishlar nusxalari ilova sifatida taqdim etiladi;

- hujjatlar to’plamiga kiritilgan materiallar va axborotlar joriy yil davomida chop etilgan bo’lishi lozim.
Savollar va murojaatlar uchun: Iqtidorli talabalarning ilmiy tadqiqot faoliyatini tashkil etish bo‘limi boshlig‘i - Jonibek Bo‘riboyev +998946423002 hamda Yuldoshev Mirzohid 995996549