Toshkent davlat iqtisodiyot universiteti Samarqand filiali talabalari shahar bo'ylab sayohat uyushtirishdi.
2023-yil 14-sentyabr  kuni ichki turizm loyihasi doirasida Toshkent davlat iqtisodiyot universiteti Samarqand filiali ta’lim-tarbiya maslahatchisi Sh. Umurzoqov 1-kurs talabalar bilan birgalikda Samarqand shahridagi diqqatga sazovor joylariga sayohat qildilar. Sayohatdan ko’zlangan maqsad sayohat, ziyorat, tashrif tadbirlarini amalga oshirish hamda  voyaga etmaganlar hamda yoshlarni Vatanga sadoqat ruhida tarbiyalash, ularda Vatanga daxldorlik hissini shakllantirishda madaniyat muassasalari va tarixiy obidalar imkoniyatlaridan unumli foydalanish, soʻngi yillarda Samarqandda amalga oshirilgan bunyodkorlik ishlari bilan yaqindan tanishtirishdan iborat. Sayohat davomida talabalarda madaniy merosimiz, milliy qadriyatlarimiz, xalqimizning qadimiy hayot tarzi, buyuk tariximiz haqida qimmatli ma'lumotlar oldilar. Jumladan  Samarqand shahri  Sharq me’morchiligining ajoyib namunasi sifatida YUNESKOning Butunjahon merosi ro’yxatiga kiritilganligi, shaharning diqqatga sazovor muhim joylaridan biri bo’lgan Registon ansambli,  XV asr boshlarida qurilgan Go’ri-Amir maqbarasi, Ruhobod maqbarasi, O‘zbekiston Respublikasining Birinchi Prezidenti Islom Abdug‘aniyevich Karimov haykali to’grisida soha xodimlari tomonidan to’liq ma’lumotlarga ega bo'ldilar. Samarqand shahrining tarixiy qadamjolari talabalarda katta taa’surotlar qoldirdi.