Toshkent davlat iqtisodiyot universiteti Samarqand filialida "Yoshlar o‘rtasidagi jinoyatchilik profilaktikasi" mavzusida tadbir tashkil etildi. Joriy yilning 31 iyul kuni Toshkent davlat iqtisodiyot universiteti Samarqand filiali axborot resurs markazida "Yoshlar o‘rtasidagi jinoyatchilik profilaktikasi" mavzusida tadbir tashkil etildi. Tadbirda professor-o‘qiuvchilar va tyutorlar, talabalar ishtirok etdi.
Tadbirda so‘zga chiqqan direktor o‘rinbosari X.I.Turdibekov 2023 yil 28 iyul kuni Farg‘ona shahrida O‘zbekiston Respublikasi Prezidenti Sh.Mirziyovning Ichki ishlar vazirligining kengaytirilgan hay’at yig‘ilishida keltirgan tahliliy ma’lumotlar bilan tanishtirib o‘tdi. Jumladan, Yig‘ilishda jinoyat qilgan shaxslarning har uchinchisini yoshlar tashkil qilayotgani ta’kidlandi. Ular tomonidan sodir etilgan jinoyatlarning 32 foizi o‘g‘rilik va firibgarlik hisoblanadi. Yoshlar jinoyatining har yettinchisi guruh tarkibida sodir qilingan, 1 ming 100 nafar yoshlar takroran jinoyatga qo‘l urgan.talaba yoshlar tomonidan qo‘l urilgan ma’muriy huquqbuzarliklar, ularning huquqiy oqibatlari xususida so‘z yuritib, har qanday g‘ayriqonuniy xatti-harakat sodir etgan shaxsga yoshi va ijtimoiy kelib chiqishidan qat’i nazar, javobgarlik muqarrarligi xususida aniq misollar asosida qator ma’lumotlar berdi.
TDIU SFning talabalar orasida ijtimoiy-ma’naviy muhit barqarorligini ta’minlashga ma’sul bo‘lgan direktor maslaxatchisi G‘.Qurbonov bugun yoshlarni har tomonlama qo‘llab-quvvatlash, ma’nan yetuk bo‘lib kamol topishlari uchun davlat tomonidan barcha shart-sharoitlar yaratib berilayotganligini. imkoniyatlardan oqilona foydalanish va to‘kis bilim olish esa har kimning o‘ziga bog‘liqligini, talabalar orasida ham yoshlik qilib, bilib-bilmay nojo‘ya qadam bosib, oqibatda mulzam bo‘lib qolish hollari ham uchrab turganligini, keng jamoatchilikni ham yoshlar tarbiyasiga jalb qilish zarurligini ta’kidlab o‘tdi.
Yig‘ilish davomida Korrupsiyaga qarshi kurashish “Komplayens nazorat” tizimini boshqarish bo‘limi boshlig‘i A.Axmedov talabalarga internetdagi tahdidlardan, zamonaviy tahdidlardan ogoh bo‘lish bo‘yicha ma’lumotlar berib o‘tdi. Talabalarni qiziqtiruvchi savollarga tushuntirishlar berildi.
