Toshkent davlat iqtisodiyot universiteti Samarqand filialida “Korrupsiya davlatni yemiruvchi va insonni tubanlashtiruvchi illat” mavzusida tadbir tashkil etildi

2023-yil 15-iyun filial Faollar zalida bo'lib o'tgan ushbu tadbirda, "Talabalar orasida ijtimoiy-ma’naviy muhit barqarorligini ta’minlashga mas’ul bo‘lgan direktor maslahatchisi" - Qurbonov G‘.M, filial yuriskonsulti Xolmatov M, filial profilaktika noziri Shodmonov D hamda talaba-yoshlar ishtirok etishdi.
Talabalar orasida ijtimoiy-ma’naviy muhit barqarorligini ta’minlashga mas’ul bo‘lgan direktor maslahatchisi G‘.M. Qurbonov so'zga chiqib, quyidagicha fikrlarni bildirib o'tdi: 
- bugun yig‘ilishimizning asosiy sababi korripsiyaga qarshi kurashish ya’ni korrupsiyaga yo‘l qo‘ymaslik kabi masalalar qo‘yilgan. Korrupsiya davlatni yemiruvchi va insonni tubanlashtiruvchi illat hisoblanadi.Darhaqiqat, korrupsiyaga qarshi kurashishda aholining huquqiy ongi va huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish, davlat organlari va boshqa tashkilotlar xodimlarining huquqiy savodxonligini oshirish, ta’lim muassasalarida korrupsiyaga qarshi kurashish sohasidagi huquqiy ta’lim va tarbiya masalalari Qonunning 16, 17, 18-moddalarida oʻz ifodasini topgan. Chunki huquqiy ong va huquqiy madaniyati yuksak boʻlgan va huquqiy ta’lim va tarbiya jihatdan yetuk boʻlgan insonlar salbiy illat boʻlmish korrupsiyaga yoʻl qoʻymaydilar.
Muhtaram prezidentimiz Mirziyoyev Shavkat Miromonovich shunday degan edilar “Korrupsiya va uyushgan jinoyatchilikka qarshi kurashish, shuningdek, huquqbuzarliklaming oldini olish masalalarini samarali yechish ustuvor vazifalarimizdan biri bo‘lib qoladi” degan edilar.
Korrupsiya-shaxsning o‘z mansab yoki xizmat mavqeidan shaxsiy manfaatlarini yoxud o‘zga shaxslaming manfaatlarini ko‘zlab moddiy yoki nomoddiy naf olish maqsadida qonunga xilof ravishda foydalanishi, xuddi shuningdek bunday nafni qonunga xilof ravishda taqdim etishi tushuniladi. Tarixda Arastu shunday degan ekan “Har qanday davlat tuzumida eng muhimi - bu qonunlar va tartib-qoidalar vositasida ishni shunday tashkil etishki, mansabdor shaxslar qing‘ir yo‘l bilan boylik orttira olmasin” degan ekan.
Korrupsiyaviy jinoyatlaming sodir etilishiga sharoit yaratuvchi omillar bu illat ustidan tashkiliy-boshqaruv va ijtimoiy nazorat yetarli emasligi hisoblanadi.
O‘zbekiston Respublikasini yanada rivojlantirish bo‘yicha Harakatlar strategiyasida korrupsiyaga qarshi kurashish vazifasi belgilanishi olib borilayotgan islohotlar samarasini oshirish, davlat va jamiyatning har tomonlama va jadal rivojlanishi uchun shart-sharoitlar yaratish, mamlakatimizni modemizatsiya qilish hamda hayotning barcha sohalarini liberallashtirish bo‘yicha ustuvor yo‘nalishlarni amalga oshirish maqsadida 2017-2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi O‘zbekiston Respublikasi Prezidentining 2017 yil 7 fevralda O‘zbekiston Respublikasini yanada rivojlantirish bo‘yicha harakatlar strategiyasi to‘g‘risidagi PF- 4947-son farmoni qabul qilindi. Korrupsiyaga qarshi kurashishning tashkiliy-huquqiy mexanizmlarini takomillashtirish va korrupsiyaga qarshi kurashish tadbirlarining samaradorligini oshirish vazifasi belgilangan.

Hurmatli professor-o‘qituvchilar bugungu ma’ruzamizdan o‘zingizga tegishli xulosalar chiqarib olasizlar degan umiddamiz.

Tadbir davomida so'zga chiqqan filial yuristkonsulti M.Xolmatov quyidagicha fikrlarni bildirib o'tdi:
- Assalomu alaykum hurmatli majlis qatnashchilari. Korruptsiya bir necha ming yillik tarixga ega. Yozma manbalarda korruptsiya haqida eramizdan avvalgi Shumer podsholigi davrida eslatib o‘tiladi. Korruptsiya bizning kunlargacha etib kelganligi shundan dalolat beradiki, boshqa illatlar kabi, uni ham tag-tugi bilan yo‘qotib bo'lmaydi. Hatto rivojlangan g‘arb davlatlari ham korruptsiyadan butkul xalos bo‘la olmagan. Biroq jamiyat rivojiga xavf soluvchi korruptsiyaning oldini olish, unga qarshi kurashish yer yuzidagi barcha davlatlarda hamisha va hamma zamonda davom etmoqda. Korrupsiya – nihoyatda ijtimoiy-siyosiy vayronkor kuch, uning oqibatida milliy iqtisodiyotga putur yetadi, ijtimoiy tengsizlik chuqurlashadi, xalqning davlat boshqaruvi hokimiyati organlariga ishonchi yo‘qoladi, uyushgan jinoyatchilik kuchayadi, jamiyatda ma’naviyat izdan chiqa boshlaydi. Korrupsiya oqibatida kelib chiqadigan noxush hodisalar ro‘yxatini yana davom ettirish mumkin. Korrupsiya buzg‘unchilik tabiatiga ega ekani uchun ham insoniy jamiyat qadim zamonlardan boshlab unga qarshi kurashib keldi. Korrupsiyaning  shakllari  turlicha, ammo korrupsiya oqibatlari har qanday mamlakatning iqtisodiy va ijtimoiy  rivojlanishiga, mamlakat aholisiga salbiy ta’sir ko‘rsatadi.Shu sababli bugungi kunda     korrupsiyaga  qarshi  kurashda  jamiyatda  korrupsiyaga  qarshi  huquqiy  ongni        shakllantirishga  alohida  e‘ibor  qaratilmoqda,  ya’ni  korrupsiyaning  har  qanday    ko‘rinishlariga qarshi insonning o‘zida ichki  rad etishni shakllantirmoq kerak.
Ushbu tadbir yakunida talaba-yoshlar o'zlarini qiziqtirgan savollariga mas'ullar tomonidan atroflicha javob olishdi.