Toshkent davlat iqtisodiyot universiteti Samarqand filialida "Kutubxonachilar kuni" ga bag'ishlab taqdirlash marosimi o'tkazildi.

21-may – Kutubxonachilar kuni sifatida har yili butun O'zbekiston bo'ylab yuqori kayfiyatda nishonlanib kelinadi. Shu munosabat bilan mazkur sana Toshkent davlat iqtisodiyot universiteti Samarqand filialida ham alohida etibor bilan nishonlandi. 
Ushbu kasb egalarini filial direktori, professor O. Murtazayev, "Oziq-ovqat va qishloq xo'jalik iqtisodiyoti" kafedrasi mudiri Ozoda Pardayeva va filialning bir qator professor-o'qituvchilari bayramona tabrikladilar.

Ma'lumot o'rnida aytib o'tish joiz,Oʼzbekiston hududida miloddan avvalgi 1-ming yillikning soʼnggi asrlarida dastlabki kutubxonalar paydo boʼlgan. Bular ilk kutubxonalar boʼlib, kutub – arabcha «kitoblar», xona – forscha «uy», yaʼni kitob va hujjatlar saqlanadigan joy maʼnosini anglatadi.

Buxoroda X asrda mashhur kutubxona mavjud boʼlib, mazkur kutubxona juda boy fondga ega boʼlgan, kitoblar fan sohalari boʼyicha sandiqlarda saqlangan. Unga faqat amir ruxsati bilangina kitobxon kirardi. Shuningdek, yirik kutubxonalar Xorazmda ham xorazmshohlar, maʼmuniylar va anushtageniylar zamonida barpo etilgan.

Yana bir bor filial jamoasi nomidan "Axborot resurs markazi" xodimlarini kasb bayramlari bilan tabriklaymiz va kelajak ishlarida omad tilaymiz!