Toshkent davlat iqtisodiyot universiteti Samarqand filialida ochiq maʻruza darsi o’tkazildi.
Toshkent davlat iqtisodiyot universiteti Samarqand filiali Iqtisodiyot fakulteti "Oziq-ovqat va qishloq xoʻjalik iqtisodiyoti" kafedrasi assistenti Saidmurodov Mamur Tairovichning  Soliq va soliqqa tortish, Statistika  yoʻnalishlari  SA-ST-122-gurhlari uchun "Iqtisodiyot nazariyasi" fanidan “Jahon xo`jaligi va uning evolyutsiyasi. Xalqaro iqtisodiy integratsiya va  xalqaro valyuta munosabatlari ” mavzusida ochiq maʻruza darsi o’tkazildi. Oʻtkazilgan darsda bugungi kungacha rivojlanib taraqqiy etib kelgan jaxon xo’jaligining evolyutsiyasi uning rivojlanishdagi tendensiyalar modellari va hayotiy misollar yordamida tushuntirib berildi. 
Ma’ruza darsida e’tibor qaratilgan kalit soʻzlar sifatida quyidagi tushunchalarga tavsif berildi: Xalqaro mehnat taqsimoti, Xalqaro moliya, U. Rastau nazariyasi, Xalqaro kapital migratsiyasi, Xalqaro ischi kuchi migratsiyasi, Xalqaro valyuta bozorlari, Globolizatsiya, To’lov balansi, Tashqi savdo, Protksionizm.
Xalqaro mehnat taqsimoti davlatlar o‘rtasida mehnatning ijtimoiy-hududiy taqsimotining darajasi hisoblanadi. U alohida bir davlatlar ishlab chiqarishlarining ixtisoslashuviga asoslanadi.
Jahon  moliya bozori — mamlakatlar o‘rtasida kapital resurslarini jamlash va taqsimlashni ta’minlab beruvchi bozor munosabatlari yig‘indisi. Umuman, bu tushuncha xalqaro moliyaviy shartnomalarning mazmunini tashkil qiluvchi ishtirokchilar manfaatlarining o‘zaro ta’sirini anglatadi.
Uilyam Rostou 1960-yilda «Iqtisodiy o‘sish bosqichlari: nokommunistik manifest» asarida iqtisodiy o‘sish bosqichlari nazariyasini yaratdi. Unda iqtisodiy o‘sishning quyidagi besh bosqichi ajratib ko‘rsatiladi:
• an’anaviy jamiyat;
• o‘sish uchun shart-sharoitlarni yaratish bosqichi;
• o‘sish (siljish, ko‘tarilish);
• yetuklikka intilish bosqichi;
• yuqori ommaviy iste’mol davri.
Xalqaro kapitallar migratsiyasi —jahon iqtisodiyotining turli mamlakatlari o‘rtasida egalariga qo‘shimcha daromad keltiruvchi kapitalning qarama-qarshi harakati.
To'lov balansi — bu milliy va jahon xo'jaligi o'rtasidagi o'zaro bog'liqliklar xarakteri, tarkibi va miqyosini muayyan muddat uchun qiymat shaklida umumlashtiruvchi ko'rsatkichlar tizimi. 
Jahon iqtisodiyotining globallashuvi — bu jahon iqtisodiyotining tovarlar, xizmatlar, kapital, ishchi kuchi va texnologiyalarning yagona bozoriga aylanish jarayonidir. Ushbu jarayon jahon iqtisodiyoti shakllana boshlagan davrdan boshlangan. 
Ochiq dars davomida Xalqaro integratsion tashkilotlar ko’rib chiqildi va uning maqsad va vazifalariga yondashildi.
Ma’ruzachi tomonidan O’zbekistonning xalqaro iqtisodiy tashkilotlariga a’zo bo’lish bosqichlari va ular bo’yicha olib borilayotgan islohatlar  bo’yicha gapirib o’tildi  
Dars pedagogik texnologiyalardan foydalangan holda olib borildi. Unda talabalar ham faol ishtirok etdi. Dars soʻngida xulosalar umumlashtirilib, talabalarga tegishli topshiriqlar berildi.