Toshkent davlat iqtisodiyot universiteti Samarqand filialida “Yurtimiz kelajagiga befarq emasmiz” shiori ostida targ‘ibot tadbiri tashkil etildi.
2023-yil 27-mart kuni Toshkent davlat iqtisodiyot universiteti Samarqand filialida “Yurtimiz kelajagiga befarq emasmiz” shiori ostida tadbir bo‘lib o‘tdi. Unda Toshkent davlat iqtisodiyot universiteti Samarqand filialining 950 dan ziyod talaba-yoshlari, professor-o‘qituvchilar va  ta’lim-tarbiya maslahatchilari ishtirok etishdi. Tadbirda filial deriktori O.Murtazayev, yoshlar masalalari va maʼnaviy-maʼrifiyishlar boʻyicha direktorning birinchi o‘rinbosari X.I.Turdibekov, tabiiy, ijtimoiy va jismoniy madaniyat kafedrasi mudiri U. Xudayarov, tabiiy, ijtimoiy va jismoniy madaniyat kafedrasi o’qituvchisi S.Abduvoxidov, oziq ovqat va qishloq xujalik iqtisodiyoti kafedrasi o’qituvchisi S.Fazliyev va talabalari so‘zga chiqib, Konstitutsiyamizning mazmun-mohiyati va referendumning ahamiyati haqida so‘z yuritishdi. Ma’ruza davomida yangilanayotgan Konstitutsiyaning 50, 51, 52 va 53-moddalari ta’limga xususan Oliy ta’limga  akademik erkinlik berilishi, o’zini-o’zini boshqarish, tadqiqotlar va oqitish erkinligi berilganligini aytib o’tdilar. Shuningdek davlat o’qituvchilarning sha’ni va qadr-qimmatini himoya qilish, ularning ijtimoiy va moddiy faravonligi, har kimga ilmiy, texnikaviy va badiiy ijod erkinligi berilayotganligi haqida ham to’xtalib o’tildi.
Ma’ruzachilar o’z ma’ruzalaridan so’ng 30 aprel kuni Konistitutsiya qonun loyihasi bo‘yicha o‘tkaziladigan Referendumda faol qatnashishini va o‘zining kelajagiga befarq bo’lmagan  barchani faol bo‘lishga chaqirdi. Vatanparvarlik ruhidagi kuy-qo‘shiqlarga ulanib ketgan mazkur tadbir barchaga birdek xush kayfiyat ulashdi.