Toshkent davlat iqtisodiyot universiteti Samarqand filialida "Strategiya yaratishning vazifalari" mavzusida ochiq dars bo'lib o'tdi.
2023-yil 14-mart kuni Toshkent davlat iqtisodiyot universiteti Samarqand filialida "Oziq-ovqat va qishloq xo'jalik iqtisodiyoti" kafedrasi assistenti Ma'mura Ismailovaning “Raqamli iqtisodiyot” ta’lim yo'nalishi 2-kurs RI-121 – guruh talabalariga "Strategik boshqaruv" fanidan "Strategiya yaratishning vazifalari" mavzusida ochiq darsi bo'lib o'tdi. 
Talabalarga ochiq darsda:
- Strategik koʻrishni shakllantirish;
- Kompaniya maqsadlarini oʻrnatish;
- Uzoq muddatli va qisqa muddatli maqsadlar; 
- Strategiyani ishlab chiqishi;
- Kompaniya strategiyasining shakllanishiga ta’sir etuvchi omillar bo’yicha tushunchalar berildi.
Ushbu ochiq darsda talabalarga strategik koʻrish va kompaniya missiyasini asoslash, faoliyat doirasini toʻgʻri aniqlash, maqsadni aniqlash va maqsadlarni qoʻyish tushuntirildi. Dars jarayonida 3D videorolik, 3 xil fanga oid o'yin va amaliy mashg'ulotdan test ishlandi. Dars yakunida talabalar o'zlarini qiziqtirgan savollarga atroflicha javoblar olishdi.