Toshkent davlat iqtisodiyot universiteti Samarqand filialida "Liderlar uchrashuvi" tadbiri tashkil etildi.
Joriy yil 22-fevral kuni soat 15:00 da O'zbekiston Repsublikasi Prezidenti huzuridagi davlat xizmatini rivojlantirish agentligi Samarqand viloyati filiali, "Kelajak liderlari", "Samarqand ilmli qizlari" klubli a'zolari hamda "Logeeka science" aql markazi hamkorligida filial faollar zalida 
"Liderlar uchrashuvi" tashkil etildi. 
Ushbu tashkil etilgan tadbirda: Umarova Ra'no Sunnatxonovna - "O'zbekiston Respublikasi Prezidenti huzuridagi davlat xizmatini rivojlantirish agentligi Samarqand viloyati filiali bosh inspektori", Axatov Foziljon 
- "O'zbekiston Respublikasi Prezidenti huzuridagi davlat xizmatini rivojlantirish agentligi Samarqand viloyati filiali bosh inspektori", Xudoyorova Farangiz - "Kelajak liderlari klubi vitse-prezidenti, "Navoiy" nomidagi davlat stipendiyasi sohibasi", Pardayeva Ozoda Mamayunusovna - iqtisod fanlari bo'yicha falsafa doktori (PhD) "Oziq-ovqat va qishloq xo'jalik iqtisodiyoti" kafedrasi mudiri, Fazliyev Saloxiddin Shavkatovich - "Oziq-ovqat va qishloq xo'jalik iqtisodiyoti" kafedrasi katta o'qituvchisi kabi spiker va moderatorlar hamda professor-o'qituvchilar, talabalar va qiziquvchilar qatnashishdi.
Ushbu tadbirdan maqsad, ayni "Liderlar klubi" qoshida davlat xizmati uchun yangi avlod kadrlarini shakllantirish, yoshlarni, ayniqsa, yosh xotin-qizlarni davlat xizmatiga keng jalb etish, davlat xizmatining jozibadorligini oshirish hamda yosh istiqbolli kadrlardan rahbarlik lavozimlariga zaxira shakllantirish iborat bo'lib, xozirgi kunga qadar "Kleajak liderlari" dasturi doirasida 100 nafar davlat tashkilotlari yosh kadrlarining malakasi oshirilgan bo'lsa, "Kelajak liderlari" klubi hududiy filiallarida 750 nafar davlat xizmatchilari hamda Oliy ta'lim muassasalari bitiruvchilarining doimiy malakasini oshirib borish to'g'risidagi tushuntirishlar berish va yo'l-yo'riqlar ko'rsatishdan iborat bo'ldi.
Tadbir davomida yuqorida ismlari keltirilgan spiker va moderatorlardan yoshlar uchun foydali ma'lumotlarga boy ma'ruzalar o'qib eshittirildi, talaba-yoshlarni qiziqtirgan savollariga javob berishdi.