Toshkent davlat iqtisodiyot universiteti Samarqand filiali psixologi Z.Oripov tomonidan tyutorlari uchun o‘quv-seminari tashkil etildi.

O‘zbekiston Respublikasi Oliy ta’lim, fan va innovatsiyalar vazirligining 2023-yil 4-fevraldagi 4/18-105-sonli xati ijrosini ta’minlash hamda tyutorlar faoliyatini yanada jadallashtirish va ularning talabalar bilan ishlash salohiyatini takomillashtirish maqsadida 2023-yil 13-fevral sanasida Toshkent davlat iqtisodiyot universiteti Samarqand filiali psixologi Z.Oripov tomonidan tyutorlari uchun o‘quv-seminari tashkil etildi.

Bunda talabaning ruhiy holatini o‘rganish, uni kuzatib borish, stress, depressiya, suitsid, nevroz, turli shaxsiyatning og‘ishishi, huquqbuzarlik, zo‘ravonlik singari holatlarning oldini olish, vaqtida aniqlash hamda davolash maqsadida tashkil etildi. Talabaning individual psixologik xarakter va temperament tiplariga atroflicha to‘xtalib o‘tildi.

Shuningdek, talabalar uchun sog‘lom psixologik muhit va ular shaxsining rivojlanishi uchun optimal shart-sharoitlar yaratish, intellektual taraqqiyot bo‘sag‘asida vujudga kelishi mumkin bo‘lgan psixologik nuqsonlar va buzilishlarni o‘z vaqtida oldini olish, nevrotik holatlarni bartaraf etish, tarbiyasi og‘ir talabalar bilan ishlash, jamoalarda eng qulay psixologik muhitni yuzaga keltirish uchun talabaning kasbiy yaroqliligi, shaxs xislatlari, irodaviy sifatlari, his-tuyg‘ulari, o‘zini-o‘zi boshqarish imkoniyatlarini yaratish asosiy maqsad ekanligi alohida ta’kidlandi.

Seminar psixologik soʻrovnomalar orqali katta qiziqish va savol-javoblar bilan oʻtdi.