Toshkent davlat iqtisodiyot universiteti Samarqand filialida buyuk ajdodlarimiz tavalludiga bag'ishlab badiiy kecha ham tashkil etildi.
Buyuk shoir va mutafakkir, g‘azal mulkining sultoni Alisher Navoiy tavalludining 582 yilligi hamda shoh, shoir va sarkarda Zahiriddin Muhammad Bobur tavalludining 540 yilligi Toshkent davlat iqtisodiyot universiteti Samarqand filialida munosib nishonlandi.
2023-yil 10-fevral kuni Mir Alisher Navoiy tavalludining 582 yilligi hamda Zahiriddin Muhammad Bobur tavalludining 540 yilligiga bag‘ishlangan adabiy-badiiy tadbirni Toshkent davlat iqtisodiyot universiteti Samarqand filiali direktori, professor Olim Murtazayev ochib, buyuk shoirlar, mutafakkirlar, atoqli davlat va jamoat arboblarining bebaho ijodiy-ilmiy merosi nafaqat xalqimiz, balki jahon adabiyoti tarixida, milliy madaniyatimiz va adabiy-estetik tafakkurimiz rivojida alohida oʻrin tutishi, ulugʻ shoirlarimiz oʻzlarining sheʼriy va nasriy asarlarida yuksak umuminsoniy gʻoyalarni, ona tilimizning beqiyos soʻz boyligi va cheksiz ifoda imkoniyatlarini butun jozibasi va latofati bilan namoyon etib, yer yuzidagi millionlab kitobxonlar qalbidan munosib va mustahkam oʻrin egallashini ta’kidladi.
Maʼnaviy – maʼrifiy kechada iqtidorli talabalar o‘rtasida allomalarning hayoti va ijodi bo‘yicha bellashuv bo‘lib o‘tdi. Ushbu bellashuvda talabalar 4 ta shart asosida Alisher Navoiy hamda Zahiriddin Muhammad Bobur ijodini qanchalik darajada bilishlarini namoyon qilishdi. Bellashuv yakuniga ko‘ra 1-o‘rinni “Moziydan sado” jamoasi, 2-o‘rinni “Avlodlar dovoni ” jamoasi egallashdi. Tadbirda faol qatnashgan talabalar munosib tarzda faxriy yorliq va kitoblar bilan taqdirlanishdi. “Tillar” kafedrasi professor-o‘qituvchilari tomonidan tashkil etilgan Alisher Navoiy tavalludining 582 yilligi hamda Zahiriddin Muhammad Bobur tavalludining 540 yilligi bag‘ishlangan tadbir talabalarning ongu shuuriga chuqur singdirish oqil va bilimli mutaxassislarni, komil insonlarni voyaga yetkazishda muhim omil bo‘lib xizmat qiladi.
Bellashuvda g'oliblikka erishgan jamoa a'zolari:
1. Tolibov Ibrat
2. Meliboyev Sherali
3. O'razov Jonibek
4. Abdulamidov Asliddin
5. G'ulomjonova Mohinur
6. Raufova Asila
7. Kenjaboyeva Kamola
8. Zayniddinova Diyora
Shuningdek tadbirda munosib qatnashgan "Avlodlar dovoni" guruhi a'zolari:
1. Bahromova Farangiz
2. Haydarova Mohidil
3. Nasriddinov Otabek
4. Ravshanov Suxrobjon
5. Boliyev Mirzoxid
6. Jo'raqulov Lazizbek.
