Filialida Oʻzbekiston ekologik partiyasi Samarqand viloyati kengashi va Samarqand shahridagi oliy taʼlim muassasalari olimlari hamkorligida "Ekologik muammolar olimlar nigohida" mavzusida davra suhbati tashkil etildi.
Joriy yilning 6-fevral kuni Toshkent davlat iqtisodiyot universiteti Samarqand fililaida Oʻzbekiston ekologik partiyasi Samarqand viloyati kengashi va Samarqand shahridagi oliy taʼlim muassasalari olimlari hamkorligida "Ekologik muammolar olimlar nigohida" mavzusida davra suhbati boʻlib oʻtdi.
Bahs-munozaralarga boy boʻlgan ushbu tadbirda ekologik muammolarni bartaraf etish, shu bilan birga muammolarni hal qilish orqali iqtisodiy samaradorlikni oshirish chora-tadbirlarini ishlab chiqish yuzasidan takliflar, loyihalar taqdimoti taqim etildi.
Ushbu tadbirda TDIU Samarqand filiali direktori, professor O. Murtazayev kirish so'zi bilan ochib berdi.
Davra suhbatida olimlar bilan birgalikda hamkor tashkilotlar, tadbirkorlar ham ishtirok etishdi hamda olimlarning ekologik muammolarni hal qilishga qaratilgan loyihalarni amaliyotga joriy qilish, moliyalashtirsh kabi masalalarni kelishib olishdi.
Davra suhbatida ko'rib chiqilgan masalalar:
-
Yashil makon doirasida Samarqand viloyatidagi dolzarb ekologik masalalar;
-
Veterinariya va chorvachilikdagi ekologik muammolar;
-
Barqaror rivojlanish tamoyillari;
-
Oziq-ovqat xavfsizligini taʼminlash va organik dehqonchilikka eʼtibor (no’xat ekini misolida)
-
Qishloq xo‘jalik ekinlari zararkunanda va kasalliklariga qarshi kurashdagi ekologik muammolar va uyg‘unlashgan (IPM) tizimi;
-
Maishiy va sanoat oqova suvlarini biologik tozalashda o'simliklardan foydalanish masalalari;
O‘zbekiston mustaqillikka erishgan vaqtdan boshlab, mamlakatni barqaror rivojlantirishga erishish, xalq farovonligini oshirishga yo‘naltirilgan ijtimoiy-siyosiy, sotsial-iqtisodiy o‘zgarishlar va keng ko‘lamli bunyodkorlik ishlarini izchil amalga oshirilmoqda.
O‘tmishda atrof muhit holatiga eʼtiborsiz munosabatda bo‘lish, tabiiy resurslardan meʼyordan ortiq foydalanish va ekologik talablarga bepisand munosabatda bo‘lish, Orol dengizi qurishi, cho‘llanish, yer va suv resurslarining tanazzuli, o‘simlik va hayvonot dunyosi genofondining yomonlashuvi, biologik xilma-xillikning qisqarishi, ko‘p miqdordagi sanoat, maishiy va boshqa chiqindilarning hosil bo‘lishi kabi bir qator global va mintaqaviy ekologik muammolarni paydo bo‘lishiga olib keldi.
Mustaqil rivojlanish yillarida mamlakatimizda ekologik muammolarni hal etish va ularning salbiy oqibatlarini bartaraf qilish borasida muayyan tajriba orttirildi. Ekologiya, atrof muhitni muhofaza qilish va tabiiy resurslardan oqilona foydalanish sohasida ilg‘or xalqaro talablarga javob beradigan fundamental normativ-huquqiy baza shakllantirildi. Mazkur sohada 30 ga yaqin qonunlar qabul qilindi va 300 dan ortiq normativ hujjatlar tasdiqlandi. Biroq, mazkur sohadagi vazifalar ning ko‘lami mamlakatda ekologik holatni yaxshilash va yuzaga kelgan muammolarni yaxlit holda hal etishda jamiyatning barcha kuch va saʼy-harakatlarini birlashtirishga yo‘naltirilgan davlat siyosatini ishlab chiqish va amalga oshirish zaruratini qo‘ymoqda. Bu yuksak vazifani atrof muhit va aholi salomatligini saqlash sohasida faoliyat yuritayotgan milliy va xorijiy jamoatchilik tashkilotlari va harakatlari ning ijobiy tajribalarini, olimlar fikrlarini o‘zida mujassamlagan O‘zbekiston Ekologik partiyasi bajarishga qodir va yo‘lboshchi bo‘ladi.
O‘zbekiston Ekologik partiyasining asosiy maqsadlari quyidagilardan iborat:
- Mamlakatning barqaror rivojlanishiga, ekologik xavfsizligiga erishish, hozirgi va kelajak avlod uchun qulay atrof muhitni yaratish hamda tabiiy resurslarni saqlashga yo‘naltirilgan davlat siyosatini ro‘yobga chiqarishni taʼminlash;
- Аtrof-muhit muhofaza qilish va tabiiy resurslarni saqlash davlat, jamiyat va mamlakat har bir fuqarosining vazifasi bo‘lishiga erishishga ko‘maklashish.
Partiyaning O‘zbekiston Respublikasi Oliy Majlisi Qonunchilik palatasidagi fraksiyasi, Qoraqalpog‘iston Respublikasi Jo‘qorg‘i Kenesidagi va mahalliy davlat hokimiyati vakillik organlaridagi partiya guruhlari va deputatlari orqali siyosiy tashabbuslarni ilgari surish;
Mamlakatda «yashil iqtisodiyot»ga o‘tishga, qayta tiklanuvchi va boshqa muqobil energiya manbalarini, ekologik toza chiqitsiz (kam chiqitli) texnologiyalar va innovatsion yechimlarni tadbiq etish jarayonlarini faollashtirish; atrof muhitni va aholi salomatligini muhofaza qilish, tabiiy resurslardan oqilona foydalanish bo‘yicha amaliy tadbirlarni amalga oshirishda davlat organlari, korxonalar va muassasalar, siyosiy partiyalar, NNT, OАV, fuqarolarning o‘zini o‘zi boshqarish organlari va fuqarolik jamiyatining boshqa institutlari bilan hamkorlikni rivojlantirish;
O‘zbekiston Ekologik partiyasi «Biz kelajak uchun javobgarmiz!» g‘oyasini o‘zining bosh shiori hisoblagan holda o‘z faoliyatida ustuvor yo‘nalishlarni belgilab olgan:
Ekologik muammolarni hal qilishga, ularning atrof-muhit salomatligiga ta'sirini kamaytirishha qaratilgan ushbu davra suhbati viloyat, qolaversa respublikamizning ekologiyasini asrashha katta yordam berishi shubhasiz!