Toshkent davlat iqtisodiyot universiteti Samarqand filiali talabalari "Yashil makon" tashabbusi doirasida mevali daraxt ko'chatlari ekishdi.
«Yashil makon» millionlab daraxt ekishgina emas, balki to'g'ri joyga ekish va parvarish qilish hamdir. 

Mamlakatimiz Prezidenti SH.M.Mirziyoevning tashabbaslari bilan ilgari surilgan „Yashil makon“ umummilliy loyihasini qo'llab-quvvatlagan holda TDIU Samarkand filiali QXI 122 guruh talabalari mazkur loyihaga o'z hissalarini qo'shish uchun joylarda maxsus daraxtlar ekish ishlarini tashkillashtirishmoqda. Jumladan, O‘zbekiston Respublikasi Prezidenti Sh.M. Mirziyoyev raisligida 2021-yil 2-noyabrda o‘tkazilgan videoselektor yig‘ilishida belgilangan ustuvor vazifalardan kelib chiqib, mamlakatimizda “Yashil makon” umummilliy loyihasi asosida, Joriy yil 28-noyabr kuni Toshkent davlat iqtisodiyot universiteti Samarqand filiali "Oziq-ovqat va qishloq xoʻjalik iqtisodiyoti" kafedrasining professor-oʻqituvchilari hamda talabalar bilan birgalikda Zarafshon magistral tizimi boshqarmasiga qarashli o'rta zarafshon trakti “Oq-Qoradaryo” suv to'g'oni hududiga 300 dona mevali daraxt (300 dona o'rik) ko'chati ekildi.
Daraxtlar hududning iqlim sharoitidan kelib chiqib, bog'lar hosil qilish va ko'kalamzorlashtirishni nazarda tutgan holda tanlab olindi. Endi ular agrotexnik talablar asosida parvarish qilinadi, mineral va organik o'g'itlar bilan oziqlantirilib, zararkunandalardan himoya qilib boriladi.   Barchangizni mazkur loyihada ishtirok etish va xissasini kushishlari uchun chorlab qolamiz.

Eslatib utamiz, “Yashil makon” umummilliy loyihasini amalga oshirish, mazkur loyiha doirasida yiliga 200 mln. tup daraxt va buta ko'chatlarini ekish belgilangan edi. Bunday keng ko'lamli tashabbusning amalga oshirilishi natijasida shaharlarimizdagi yashil maydonlar hududi hozirgi 8 foizdan 30 foizga oshiriladi.