TDIU Samarqand filialining “Komplayens nazorat” bo'limi tomonidan "Korrupsiyaga qarshi kurash mexanizmlari" mavzusida ochiq dars tashkil etildi.
Joriy yilning 9-noyabr kuni  Samarqand filialining A binosi 309-xonasida Korrupsiyaga qarshi kurash “Komplayens nazorat” boʻlimi bosh mutaxassisi A.Axmedov tomonidan IQ-122-222-322 ( Iqtisodiyot, tarmoqlar va sohalar boʻyicha) - guruhlarga "Korrupsiyaga qarshi kurash mexanizmlari" mavzusida ochiq dars bo'lib o'tdi.
Ochiq dars quyidagi fikrlar xususida davom etdi.
Korrupsiyaga qarshi kurashishda jahon tajribasi, korrupsiyaga qarshi kurashda davlat siyosatining ustuvor yo‘nalishlari, korrupsiyaga qarshi kurashda jamoatchilik nazoratining roli, bundan tashqari ushbu illatga muvafaqqiyatli qarshi kurasha olgan davlat haqida so'z bordi. Xususan, Singapur tajribasi. Singapurning korrupsiyaga qarshi kurash olib borishda asosiy vazifasi korrupsiyaga qarshi faol kurash olib borishdan iborat bo‘lgan mustaqil faoliyat yurituvchi maxsus organ-Korrupsiyaga qarshi kurash bo‘yicha tergov byurosi hisoblanadi. Byuro o‘z vazifasini amalga oshirishda quyidagilarni bajaradi:
- davlat va xususiy sektorda korrupsiyani oldini olish yuzasidan o‘rganishlar o‘tkazadi;
- hukumat amaldorlarining o‘z mansabida suiiste’mollikka yo‘l qo‘yish kabi holatlarni tekshirib, mas’ul organlarni xabardor qiladi;
- boshqaruvdagi kamchiliklarni aniqlash maqsadida davlat organlarining ish yuritish uslubini o‘rganadi, agarda ushbu tizimda bo‘shliqlar mavjud bo‘lib, korrupsiya yoki mansab suiiste’molligiga sabab bo‘lsa, zudlik bilan ushbu bo‘linma rahbarlariga choralar ko‘rishga maslahat beradi. Shuningdek, Singapur bu illat bilan kurashishda “insonni korrupsiyaga undaydigan holatlarni yo‘q qilish”ni  asosiy g‘oya sifatida ilgari suradi. Bunday g‘oyani amalga oshirish uchun bir nechta prinsiplar mavjud:
- davlat sektorida faoliyat yuritayotgan kishilarning ish haqini xususiy sektorda ishlayotgan shaxslarning o‘rtacha oylik ish haqi bilan birxillashtirish;
- mansabdor shaxslarning har qanday mulkiniva daromadlari bo‘yicha yillik hisobotni kuzatib, tekshirib borish;
- yuqori lavozimda faoliyat yuritayotgan mansabdor shaxslarning ma’naviy yuksakligini ta’minlash;
- iqtisodiy rivojlanishda yuzaga keladigan ma’muriy to‘siqlarni bartaraf etish.
Yuqoridagi kabi asosli tajribalarga, shuningdek, doimgidek savol-javoblarga boy ruhda bo'lib o'tgan ochiq dars jarayoni hammaga birdek foydali ravishda tashkil etildi.