Toshkent davlat iqtisodiyot universiteti Samarqand filialida "Korrupsiyaga qarshi kurashish" mavzusida tadbir o'tkazildi.
Joriy yilning 1-noyabr kuni filial “Tabiiy, ijtimoiy fanlar va jismoniy madaniyat” kafedrasi professor-oʼqituvchilari bilan filial korrupsiyaga qarshi kurash «Komplayens» nazorat boʼlimi bosh mutaxassisi А.А.Аxmedov ishtirokida yigʼilish oʼtkazildi. 
 Tadbirning asosiy maqsadi, oliy oʼquv yurti Kengashi tomonidan tasdiqlangan korrupsiyaga qarshi kurashish DАSTURi (siyosati), “Komplayens nazorat” tizimini yoʼlga qoʼyish boʼyicha meʼyoriy hujjatlar toʼplami bilan kafedra professor-oʼqituvchilari va xodimlarini tanishtirish boʼldi. Xususan, filial rahbariyati va uning tarkibiy boʼlinmalarida korrupsiyaga qarshi murosasizlik munosabatini shakllantirish, korruptsiyani oldini olish, huquqbuzarlikni oʼz vaqtida aniqlash, oldini olish, profilaktik tadbirlarni oʼtkazish, korrupsiyaviy huquqbuzarlikni sodir etganlik uchun javobgarlikning muqarrarligini taʼminlash ekanligi yigʼilish qatnashchilariga tushuntirildi.
 Oʼtkazilgan yigʼilish jarayonida korrupsiya va taʼmagirlik kabi salbiy illatlarga yoʼl qoʼymaslik hamda institutning korruptsiyaga qarshi kurash boʼlimining bot kanali, ishonch telefonlari toʼgʼrisida maʼlumot berildi. Korruptsiyaning oldini olishga doir chora-tadbirlar, korruptsiyaga oid huquqbuzarliklarni aniqlash, ularga chek qoʼyish, javobgarlikning muqarrarligi kabi jihatlar toʼgʼrisida ham yigʼilish ishtirokchilariga batafsil tushuntirib oʼtildi. Tugʼilishi mumkin boʼlgan savollar bilan filialning korrupsiyaga qarshi kurash «Komplayens nazorat» boʼlimiga shaxsan yoki anonim murojaat etishlari mumkinligi uqtirildi.