Toshkent davlat iqtisodiyot universiteti Samarqand filiali korrupsiyaga qarshi kurashish “Komplayens Nazorat” tizimi boshqarish bo’limi tomonidan tadbir o’tkazildi.

Joriy yilning 20 oktabr kuni sirtqi bo’lim boshlig’i  G'.T. Yuldashev va filiali korrupsiyaga qarshi kurash “Komplayens” nazorat bo'limi bosh mutahassisi A.A.Axmedov 3-bosqich sirtqi bo’lim talabalari bilan tadbir o’tkazishdi.

Tadbirning asosiy maqsadi:  Oliy o’quv yurti Kengashi tomonidan tasdiqlangan korrupsiyaga qarshi kurashish dasturi (siyosati), “Komplayens nazorat” tizimini yo’lga qo’yish bo’yicha me'yoriy hujjatlar to’plami bilan talabalarni tanishtirish bo’ldi. Xususan, filial rahbariyati  va uning tarkibiy bo’linmalarida korrupsiyaga qarshi murosasizlik munosabatini shakllantirish, korrupsiyani oldini olish huquqbuzarlikni o’z vaqtida aniqlash, oldini olish, profilaktik tadbirlarni o’tkazish korrupsiyaviy huquqbuzarlikni sodir etganlik uchun javobgarlikning muqarrarligini ta’minlash ekanligini talabalarga tushuntirildi.

Talabalar tadbir davomida O’zbekiston Respublikasi jinoyat kodeksining 210,211,212- moddalarining mohiyati va dispozitsiyasi bilan xam tanishtirildi. Ularga jinoyat protsessida “aktiv” va “passiv” protsess subyektlari to’g’risida misollar yordamida tushuntirildi. Tug’ilish mumkin bo’lgan savollar bilan filial korrupsiya qarshi kurash “Komplayens nazorat” bo’limiga shaxsan, yoki axborot orqali anonim murojaat etishlari mumkinligi uqtirildi.