"Keksalarni e'zozlash haftaligi" shuningdek, yoshlarni harbiy-vatanparvarlik ruhida tarbiyalash maqsadida o'tkazilayotgan targ'ibot tadbirlarining yana biri Toshkent davlat iqtisodiyot universiteti Samarqand filialida o'tkazildi.

Samarqandda talabalar jinoyatchiligi nega oshgan?

"Keksalarni e'zozlash haftaligi" shuningdek, yoshlarni harbiy-vatanparvarlik ruhida tarbiyalash maqsadida o'tkazilayotgan targ'ibot tadbirlarining yana biri joriy yil 9-oktyabr kuni Toshkent davlat iqtisodiyot universiteti Samarqand filialida o'tkazildi.

Unda Mudofaa vazirligi huzuridagi jamoatchilik Kengashi, Markaziy harbiy okrug faxriylar Kengashi, Samarqand viloyat faxriylar Kengashi, O'zbekiston yoshlar ishlari agentligi, Ichki ishlar boshqarmalari, "Istiqbolli avlod" NNT viloyat bo'linmasi hamda viloyat narkalogiya dispanseridan tashrif buyurgan mas'ullar tomonidan 100 nafarga yaqin talaba-yoshlarga Ona-vatanni sevish va uni ardoqlash, vatanparvarlik tuyg'ularining kamol topishi, bugungi kundagi ijtimoiy vaziyat, yoshlar ta'lim-tarbiyasiga qaratilayotgan e'tibor, shu bilan bir qatorda viloyatda talabalar tomonidan sodir etilayotgan jinoyatlarning oshib borayotganligi haqida xavotirli ma'ruzalar qilishdi.

Oliy ta'lim dargohlarida yoshlar bilan ishlovchi prorektorlar, bo'limlar, tyutorlar, yetakchilar va yangidan tashkil etilgan inspektorlar faoliyati bu jarayonlarda unchalik sezilmayotganligi mas'ullar tomonidan alohida aytib o'tildi.

Ma'lumot uchun, joriy yilning o'tgan 9 oyi davomida 67 ta turli jinoyatlar sodir etilib bu o'tgan yilning mos davriga nisbatan 17 taga oshganligi achinarlidir va bu borada ko'plab amaliy ishlarni tashkil etishni vaziyatning o'zi ko'rsatmoqda.