TDIU Samarqand filialida “ERASMUS+” dasturi AgroDev (Sifatli qishloq xo'jaligi va oziq ovqat mahsulotlari ishlab chiqarish tarmoqlari barqarorligini qo'llab-quvvatlashga qaratilgan oliy ta'limni rivojlantirish) loyihasi doirasida Global GAP standartlari bo'yicha davom etayotgan seminar trening bugun yakunlandi.  
Seminar – treningning navbatdagi kunida  «GLOBAL G.A.P.» xalqaro standartining talablari, mohiyati va dolzarbligi yuzasidan seminar ishtirokchilariga batafsil ma'lumotlar berildi. Jumladan, mazkur xorijiy standartni amaliyotga joriy etishning afzalliklari, hamda qishloq xo'jaligi mahsulotlarini yetishtiruvchi va eksport qiluvchilarga mazkur standartni sertifikatlashtirish jarayonlarida belgilangan me'yorlarga amal qilinishi muhimligi alohida ta'kidlab o'tildi. Mazkur standart sifat menejmenti bo'yicha bir qator tamoyillarga asoslangan bo'lib, bu tamoyillarga mijozga moslashib ish tutish, bosh rahbariyatni rag'batlantirish va jalb qilishlik, jarayonli yondashuv va sifat menejmenti tamoyillarini doimiy takomillashtirish kiradi hamda mijozlar tomonidan yuqori sifatli tovarlar va xizmatlar olinishini kafolatlab, kompaniyalar foyda olishiga yordam beradi.  
Bugungi kunda O'zbekistonda yetishtirilayotgan qishloq xo'jaligi mahsulotlari eksport xajmini yanada oshirish, tashqi bozorni diversifikasiyalash hamda raqobatbardoshlik darajasini yanada oshirishda ushbu standartni amaliyotga joriy qilish muhim ahamiyat kasb etadi. Shuningdek, iste'molchilarni sifatsiz, shu bilan birga fuqarolarning haë-ti, sog'lig'i va mol-mulkiga xavf tug'diruvchi, atrof-muhitga zarar yetkazuvchi ŭzaro almashinuvchanlik va moslashuvchanlik talablarini ŭlchash uslublari hamda yërliqlash qoidalari birliligini ta'minlamaĭdigan mahsulotlardan himoyalaydi.  
Prezidentimizning 2018-yil 20-dekabr kungi “Eksportga ko'maklashish va uni rag'batlantirishni kuchaytirish chora-tadbirlari to'g'risida”gi Qarori ijrosini ta'minlash uchun ushbu standartni ta'lim jarayonida kengroq o'rgatish bo'lajak yosh kadrlarni zamon talablariga mos kadr bo'lib etishtirishda muhim ahamiyat kasb etadi.  
 Seminar yakunida barcha faol qatnashgan professor-o'qituvchilarga sertifikatlar topshirildi.