Bo‘lim haqida maʼlumot

Toshkent davlat iqtisodiyot universiteti Samarqand filiali tarkibidagi Taʼlim sifatini nazorat qilish bo‘limi O‘zbekiston Respublikasi Vazirlar Mahkamasining 2017-yil 18-iyuldagi “O‘zbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi faoliyatini tashkil etish to‘g‘risida”gi 515-son qarorining 14-bandiga muvofiq tashkil etilgan bo‘lib, bevosita Toshkent davlat iqtisodiyot universiteti Samarqand filiali tarkibiga kiradi. 

Bo‘limning vazifalari

• Filial taʼlim sifatini DTS va malaka talablariga muvofiqligini taʼminlash, o‘quv jarayoni samaradorligini oshirish maqsadida tizimli nazoratni tashkil etish bo‘yicha faoliyatni va chora-tadbirlarni amalga oshiradi; 
• Filialda attestatsiya va akkreditatsiya jarayonlariga tayyorgarlik ishlarini amalga oshiradi; 
• Filialda kalendar yili davomida amalga oshirilgan ilmiy, o‘quv-uslubiy ishlar, xalqaro aloqalar, maʼnaviy-madaniy va sport tadbirlari bo‘yicha maʼlumotlarni shakllantirish hamda Milliy OTMlar reytingiga maʼlumot taqdim etadi; 
• Filial professor-o‘qituvchilarini o‘quv yili davomida barcha faoliyatini 110 ballik baholash meʼzonlari asosida baholab boradi; 
• Filialda taʼlim jarayonlarining samarali faoliyatini tashkil etish maqsadida dars tahlilini onlayn va offlayn rejimida amalga oshiradi; 
• Professor-o‘qituvchilarning ilmiy faoliyatini samaradorligini doimiy baholab tahlil qiladi, har bir Professor-o‘qituvchining faoliyat samaradorligi va reytingini aniqlaydi; 
• Taʼlim yo‘nalishi va mutaxassisliklarning normativ-huquqiy hujjatlar bilan taʼminlanganligini o‘rganadi; 
• Filial professor-o‘qituvchilari tayanch maʼlumotlarining tegishli dars beradigan fan(lar)iga mosligini tahlil qiladi; 
• Filial kadrlar tayyorlash sifati va talabalar bilim darajasini oshirish maqsadida doimiy ravishda talaba, ota ona, professor-o‘qituvchi va kadrlar isteʼmolchilari o‘rtasida ijtimoiy so‘rovnomalar o‘tkazadi;
• Filialda taʼlim sifatini oshirish bo‘yicha olib borilgan o‘rganishlar natijalari asosidagi takliflarni Filial direktoriga taqdim etadi.  

Bo‘limning maqsadi

Bo‘limning asosiy maqsadi Filial talabalari bilimlarining davlat taʼlim standartlariga muvofiqligini o‘rganib borish, tahlil qilish, kadrlar tayyorlash sifati monitoringini yuritish, Filialni ichki attestatsiyadan o‘tkazishni tashkil etish va uning natijalari bo‘yicha taʼlim sifatiga salbiy taʼsir etuvchi omillarni aniqlash hamda ularni bartaraf etish va oldini olish choralarini ko‘rishdan iborat.  

2022/2023 o‘quv yili kuzgi semester yakunlariga doir o‘tkazilgan so‘rovnoma natijalari

Semestr bo‘yicha umumiy eng kuchli 20 talik