Toshkent davlat iqtisodiyot universiteti Samarqand filiali va Jomboy tumani Xalq taʼlimi boʼlimi oʼrtasida tuzilgan “Toshkent davlat iqtisodiyot universiteti Samarqand filiali tomonidan Oʼzbekiston Respublikasi Prezidentining 2020 yil 6 noyabrdagi 6108-sonli farmoni va 4884-sonli qarori ijrosi doirasida maktabda taʼlim sifatini oshirish boʼyicha chora-tadbirlar rejasi”ning bajarilishini taʼminlash maqsadida “Raqamli iqtisodiyot, axborot texnologiyalari va matematik usullar” kafedrasi professor-o`qituvchilari 2022 yil 18 may kuni Jomboy tumani Xalq taʼlimi boʼlimiga qarashli 10-sonli umumta`lim maktabiga tashrif buyurishdi.

Maktab o`qituvchilarining ilmiy salohiyatini oshirish borasida belgilangan tadbirlar ijrosi o`rganildi, 2021-2022 o`quv yili boshida maktabda 6 nafar 1 toifali o`qituvchi faoliyat yuritgan bo`lsa, olib borilgan uslubiy hamkorlik natijasida bugungi kunda oliy toifali o`qituvchilar soni 2 nafar,  birinchi toifali o`qituvchilar 9 nafarni tashkil etmoqda. O`qituvchilar salohiyatini aniqlash maqsadida o`tkazilgan test sinovlari natijasi maktabning matematika, ingliz tili, geografiya, informatika fanlari oqituvchilari yuqori ko`rsatkichga ega ekanligini ko`rsatdi.

“Raqamli iqtisodiyot, axborot texnologiyalari va matematik usullar” kafedrasi professor-o`qituvchilari A.K.Amonov, U.R.Kubayev, A.A.Abdunabiyevlar   maktab o`qituvchilari va o`quvchilari bilan ta`lim sohasida olib borilayotgan islohotlar borasida davra suhbati o`tkazishdi.

Maktab o`qituvchilariga doimiy uslubiy tavsiyalar berib borish maqsadida TDIU Samarqand filialining tajribali professor-o`qituvchilari biriktrilgan.

Maktab 11-sinf o`quvchilarini oliy o`quv yurtlariga kirishlariga tayyorlash samaradorligini oshirish mqasadida maktabda mavjud  kompyuter sinfiga barcha fanlardan dasturlashgan test topshiriqlari o`rnatib berildi. Bu orqali o`quvchilarni fanlardan olgan bilimlarini muntazam mustahkamlab borishlari uchun keng imkoniyat yaratildi. Joriy o`quv yilida maktabda 15 nafar bitiruvchi bo`lib, ular bilan doimiy aloqalar y`olga qo`yilgan. Ularni kasbga yo`naltirsh maqsadida respublikamizdagi OTM to`g`risida ma`lumotlar berib borilmoqda. Shuningdek, o`quvchilar va ularning ota-onalari bilan muntazam ish olib borish maqsadida telegram guruhi tashkil etilgan.

Maktab kutubxonasi fondiga TDIU Samarqand filiali tominidan 17 nomdagi jami 81 nusxadagi darsliklar, o`quv qo`llanmalar, badiiy adabiyotlar, metodik ko`rsatmalar hadiya etildi.