27 - Aprel 2022
Joriy yilning 26-aprel kuni Toshkent davlat iqtisodiyot universiteti Samarqand filialida Viloyat aholi bandligiga ko’maklashish markazi hamkorligida “Karyera kunlari” mehnat yarmarkasi tashkil qilindi. Yarmarkada viloyatdagi banklar, ishlab chiqarish korxonalari, moliya va statistika qo’mitalari tashrif buyurishdi. Tashkilot va korxonalar yuqori kurs talabalari bilan ochiq muloqot qilib, mavjud bo’sh ish o’rinlari bilan tanishtirib o’tishdi.
O’zaro savol-javob shaklida o’tkazilgan yarmarkada filial talabalari o’zlarining qiziqtirgan ma’lumotlarga ega bo’lishdi.
Yarmarkada TDIU SF direktor o’rinbosari F.Axrorov, Samarqand Shahar aholi bandligiga ko’maklashish markazi direktor o’rinbosari Z.Astanov hamda TDIU SF marketologi S.Qarshiboyevlar so’zga chiqib, talabalarga yarmarkaning maqsadi va vazifalari haqida batafsil ma’lumotlar berib o’tishdi.
Talabalar o’zlariga maqul ish o’rinlarini tanlab, ishga joylashish “so’rovnomalarini (anketa) shaklida to’ldirishdi. Mehnat yarmarkasi yakunida filial va hamkor tashkilotlar bunday amaliy yarmarkalarni dopimiy o’tkazib borishga kelishib oldilar.
