Toshkent davlat iqtisodiyot universiteti Samarqand filiali va Jomboy tumani Xalq ta'limi bo'limi o'rtasida tuzilgan “Toshkent davlat iqtisodiyot universiteti Samarqand filiali tomonidan O'zbekiston Respublikasi Prezidentining 2020  yil 6 noyabrdagi 6108-sonli farmoni va 4884-sonli qarori ijrosi doirasida maktabda ta'lim sifatini oshirish bo'yicha chora-tadbirlar rejasi”ning bajarilishini ta'minlash maqsadida 2022 yil 23 aprel kuni Jomboy tumani Xalq ta'limi bo'limiga qarashli 10-, 38- va 53- maktab 11-sinf bitiruvchilari ishtirokida “Maktab o'quvchisining Universitetda bir kuni” mavzusida tadbir bo'lib o'tdi. Ushbu tadbirni filial Ilmiy ishlar va innovatsiyalar bo'yicha direktor o'rinbosari Z.X.Abdullayev kirish so'zi bilan ochib berdi. Bugungi kunda ta'lim sohasida olib borilayotgan o'zgarishlar va islohatlar haqida to'xtalib o'tar ekan, yoshlarga yaratilayotgan imkoniyat va ulardan samarali foydalanish to'g'risida aytib o'tdi. Filialning xorijiy OTM bilan hamkorlik ishlari, filialda mavjud  imkoniyatlar, o'quv jarayoni, olib borilayotgan turli soha, fan va sport tadbirlari hamda to'garaklari, talabalar tomonidan olib borilayotgan ilmiy - tadqiqot ishlari haqida ta'kidlab o'tdi. Shundan so'ng maktab o'quvchilariga “Raqamli iqtisodiyot, axborot texnologiyalari va matematik usullar” kafedrasi dotsenti F.Anorboyeva “Raqamli iqtisodiyot va uning rivojlanishi” va “Tabiiy, ijtimoiy fanlar va jismoniy madaniyat” kafedrasi dotsenti Z.Bobomuradov “Biologiya, xayotning paydo bo'lishi” mavzusida dars mashg'ulotlari o'tkazildi. Dars mashg'ulotlari qizg'in, savol-javob tariqasida bo'lib o'tdi. 
Shundan so'ng maktab o'quvchilari kafedra mudirlari M.Xolmurzayev,  O.Pardayeva va A.Amonovlar boshchiligida maktab o'quvchilari universitet va undagi shart-sharoitlar bilan tanishib chiqishdi. Tadbir davomida F.Anorboyeva va A.Abdunabiyevlar maktab o'quvchilariga filial kompьyuter sinfxonlari va undan samarali foydalanish to'g'risida, S.Fazliyev maktab o'quvchilariga IT Park va undagi zamonaviy intelekt qobiliyatlar to'g'risida ma'lumot berib o'tdi.

Tadbir davomida maktab o'quvchilari Filialimizning ARM da to'planishib kitoblar bilan tanishishdi hamda o'z ta'ssurotlari va fikrlari bilan o'rtoqlashishdi. Tadbir yakunida maktab o'quvchilari uchun filial oshxonasida tushlik tashkil etildi.