O‘zbekiston Respublikasi Prezidenti Sh.M.Mirziyoyev tomonidan ilgari surilgan “5 muhim tashabbusi” doirasida 2022 yil 9-aprel kuni Samarqand shahridagi markaziy ‘Dinamo’ o’yingohida “Davlat xavfsizlik xizmati Raisi kubogi” uchun 16-30 yoshlilar o‘rtasida futbol musobaqalarining tantanali ochilish marosimi bo’lib o’tdi. Tadbirda Samarqand viloyati hokimligi, Samarqand viloyat turizm va sport bosh boshqarmasi, davlat xavfsizlik xizmati Samarqand viloyat boshqarmasi va bir qator tashkilotlar hamda Samarqand viloyatining taniqli san’atkorlari ishtirok etishdi.
Dastlabki bahslar davlat madhiyasi sadolari ostida Samarqand shahridagi “Sartepo” va “Bog’dod”mahallasi yoshlari ishtirokida kechdi. Ma’lumot uchun, musobaqa mahalla, sektor va shahar kesimida 10-mayga qadar davom etadi.
