TDIUSFda nazariyani amaliyot bilan o'rganish yaxshi yo'lga qo'yilmoqda.

08.04.2022 kuni "Oziq-ovqat va qishloq xo'jaligi iqtisodiyoti" kafedrasi assistenti Iroda Baymuradova Makroiqtisodiyot fanining "Iqtisodiy o'sish" mavzusi doirasida 3-bosqich "Qishloq xo'jaligi iqtisodiyoti" ta'lim yo'nalishi talabalari bilan birgalikda Samarqand viloyati Iqtisodiy taraqqiyot va kambag'allikni qisqartirish Bosh boshqarmasiga tashrif buyurishdi. 

Tashrif davomida "Ishlab chiqarish,  muhandislik-kommunikatsiyalari, transport va ijtimoiy infratuzilmalarni rivojlantirish" bo'limi boshlig'i Nurbekov Sh., "Qishloq xo'jaligi" bo'limi mutaxassisi Boboqulov B., "Mahallabay ishlash" bo'limi boshlig'i Boboqulov S.lar tomonidan boshqarmada mavjud bo'limlar faoliyati hamda bugungi kunda amalga oshirilayotgan ishlar tanishtirib o'tildi.

Talabalarni qiziqtirgan bandlik to'g'risidagi savollarga javoblar berildi. Boshqarma rahbariyati bilan bitiruvchi talabalarni  malakaviy amaliyot o'tashga jalb qilish masalasi bo'yicha kelishib olindi.