Navro'zi olam muborak, aziz yurtdoshlar!

Assalomu alaykum, qadrli yurtdoshlar. Aziz otaxon-u, onaxonlar, opa-singillar, qadrli hamkasblar!  Bugun barchamiz uchun muborak ayyom sanalmish yangi yil, yangi kun, yangi orzu-umidlar ibtidosi bo'lgan bayram Navro'zi olamni qarshilamoqdamiz.

Navroz - bahor bayrami. Xalqimizga xos eng qadimiy urf-odatlarimiz va azaliy qadriyatlarimizni ozida jo qilgan bu kun o'zgacha tarovat hamda nafosat bilan eshik qoqmoqda. Bu ayyom azal-azaldan o'zgacha tantana, shod-u xurramlik hamda quvonch bilan nishonlangan.

Ushbu shodiyona xalqimiz uchun nafaqat bir bayram, balki eng sof insoniy fazilatlar sanalgan mehr, muruvvat, saxovat va himmat ramzi hamdir. Negaki, xalqimiz shodiyona kunlarda birlashib, yordamga muhtojlar, xastalar hamda e'tiborga va ko'makka muhtoj yurtdoshlarimiz holidan xabar olishadi. Bu esa xalqimizga xos bo'lgan eng qadimiy va muqaddas urf-odatlar sirasiga kiradi.

Qadrli yurtdoshlar! Siz azizlarni, ko'p millatli butun xalqimizni ushbu qutlug' kunlarga eson-omon yetganligingiz, bugungi yorug' kunlarda shod-xurramlik bilan shodiyonalarni nishonlayotganligingiz bilan samimiy muborakbod etaman. Bahoriy ayyom bolmish kirib kelayotgan Navrozi olam barchangizga muborak bo`lsin!

 
TDIU SF direktori, professor
Olim Murtazayev