11 - Mart 2022
Joriy yilning 11-mart kuni TDIU Samarqand filial direktori, professor O.Murtazayev tomonidan talabalar bilan guruhlar kesimida uchrashuv boʻlib oʻtdi.
Unda institut rahbariyati, professor-oʻqituvchilar, ustoz-murabbiylar, tajribali olimlar, amaliyotchilar, tyutorlar ishtirok etdi.
Dastavval, filial direktori professor. O.Murtazayev joriy yilning 4-mart kuni Prezidentimiz Shavkat Mirziyoyev raisligida oliy oʻquv yurtlari talabalari bandligini taʼminlash boʻyicha ustuvor vazifalarga bagʻishlangan videoselektor yigʻilishida belgilangan muhim vazifalar, oliy taʼlim tizimida olib borilayotgan ijobiy hamda samarali oʻzgarishlar, bu boradaTDIU Samarqand filialining faoliyati oldida turgan muhim ishlar haqida toʻxtalib oʻtdi.
"Filial tomonidan yoshlarning intilishlarini, iqtidorlarini qoʻllab-quvvatlash borasida yanada samarali ishlarni bajarish lozim", – dedi direktori professor O. Murtazayev Chunki mamlakatning kelajagi bugun kamolga yetayotgan yoshlar qoʻlida. Bugungi jadal rivojlanib borayotgan global davrda, har bir pedagog xodim о.ʻz ustilarida tinimsiz izlanishlar olib borishlari, kasblariga nisbatan fidoyilik xislatini yanada oshirishga intilishlari shart.
TDIU Samarqand filialining rahbar kadrlari, masʼullari vatan oldidagi burchini dildan his qilib, kasbiga fidoyilik koʻrsatgan holda har bir magistrga, talabaga xuddi оʻz farzandidek munosabatda boʻlishi, ularga mehr koʻrsatishi, har tomonlama qoʻllab-quvvatlashi kerak.
Talabalar bu dargohda koʻplab mehrli ustozlardan ilm yoʻlidagi mashaqqatli mehnat sirlaridan bahramand boʻlishi joiz. Bu oliy taʼlim dargohining asosiy maqsadi oʻz sohasining malakali kadrlarini tayyorlash, yoshlarga keng imkoniyatlar yaratib berish va ularning isteʼdodlarni qoʻllab-quvvatlashdan iborat boʻlishi lozim.
Ushbu uchrashuvda barcha ishtirokchilar va filial talaba — yoshlar oʻzlari uchun muhim boʻlgan maʼlumotlarga ega boʻldi va kerakli xulosalar chiqarib, kelgusidagi istiqbolli rejalarini belgilab oldi.