“2022-2026-yillarga mo’ljallangan yangi O’zbekistonning harakatlar strategiyasi to’g’risida”gi O‘zbekiston Respublikasi Prezidentining farmoni ijrosi doirasida talaba-yoshlarni kitobxonlikka qiziqishlarini yanada oshirish maqsadida 2022 yil 18-fevral kuni ta’lim-tarbiya maslahatchisi T.A.Yuldashev va BX-120 hamda BX-220 guruh talabalari  bilan birgalikda A.S.Pushkin nomidagi Samarqand viloyat axborot-kutubxona markaziga tashrif buyurishdi. Tashrifi davomida ular AKM faoliyati, fondda mavjud adabiyotlar, gazetalar, jurnallar, elektron kutubxonada yaratilgan shart-sharoitlar bilan yaqindan tanishishdi.O’zlarining qiziqtirgan savollariga O’lkashunoslik-axborotlari sektori mudirasi Z. Djunaidova tomonidan javoblar oldilar. Shuningdek A.S.Pushkin nomidagi Samarqand viloyat axborot-kutubxona markazining, Kitob saqlash, To‘kislash, Adabiyotlarga ishlov berish, Talaba va o‘quvchi yoshlar, Vaqtli matbuot, Ma’lumot-bibliografiya, Texnika va Qishloq xo‘jaligi adabiyotlari, Oilaviy qiroatxona, San’at, Xorijiy adabiyotlar, Ilmiy metodik, Katalog va kartotekalar, O‘lkashunoslikka doir adabiyotlar bo‘limlari va Huquqiy axborot markazlari haqida talabalarga to’liq ma`lumotlar berildi va kutubxonada mavjud bo’lgan barcha shart-sharoitlar bilan yaqindan tanishib chiqdilar. Talabalarda  axborot-kutubxona markazi katta taa’surot qoldirdi.