22 - Fevral 2022
TDIU Samarqand filialida "Direktor va yoshlar" uchrashuvi doirasida bir guruh iqtidorli talabalarning taqdirlash marosimi bo'lib o'tdi.
Uchrashuvda TDIU Samarqand filiali direktori, professor O. Murtazoyev so'zga chiqib, yoshlar bilan yaqindan suhbat qildi, ta'lim jarayonida talabalarning fikrlari bilan tanishdi va zarur maslahatlar berib o'tdi.
Tadbir davomida ta'til vaqtida o'tkazilgan fan olimpiadalari hamda Yoshlar Ittifoqi Boshlang'ich tashkiloti tomonidan online shaklda o'tkazilgan tanlovlar g'oliblari taqdirlandi. Ularga filial ma'muriyati tomonidan diplom, pul mukofotlari hamda qimmatbaho sovg'alar taqdim etildi.
Shuningdek, Islom Karimov nomli davlat stipendiyasi sohibasi Nomozova Madina Nurmat qizi ham munosib taqdirlandi.
