“Marketing” to`garagi mashg`ulotida Behzod Hoshimov ishtirok etdi

2022 yil 17 fevral kuni TDIU Samarqand Filialida “Marketing” to`garagining navbatdagi ochiq mashg`uloti bo`lib o`tdi.  Mashg`ulotda kitobxonlik, ya`ni, Daron Ajemo`g`li, Jeyms Robinsonlarning “Mamlakatlar tanazzuli sabablari: qudrat, farovonlik va kambag`allik manbalari ” kitobining muhokamasi o`tkazildi. Muhokamada Filial professor-o`qituvchilari va talabalari bilan birgalikda, zoom platformasi orqali, SamISI professori,  iqtisodiyot fanlari doktori M.Q.Pardaev, AQSHning Wiskonsin universiteti doktoranti Behzod Hoshimov, Germaniyaning IAMO ilmiy-tadqiqot instituti doktorantlari A.Tojiyev va Z.Qurbonov, SamDU Iqtisodiyot fakulteti dekani, deputat Sh. Jo`raqulov, shuningdek, hozirgi kunda Germaniya va Latviyada almashuv dasturlari asosida ta`lim olayotgan talabalarimiz ham ishtirok etdi. 

  Tadbirda avval, iqtidorli talabalarimiz kitob haqidagi fikrlarini bildirishdi va unga kitob tarjimasini tashkil qilgan va kitobni o`zbekcha varianti bosh muharriri Behzod Hoshimov taqriz berdi. Keyin kitobga doir va umumiy iqtisodiyotga tegishli savollarga Behzod Hoshimov atroflicha javob berdi. Tadbir so`nggida mehmonlar talabalarimizga o`z maslahatlarini berishdi. Mashg`ulot o`ta qiziqarli va foydali bo`ldi.

Tadbir tashkilotchilari bo`lgan Oziq-ovqat va qishloq xo`jaligi iqtisodiyoti kafedrasining barcha professor-o`qituvchilariga minnatdorchilik bildiramiz va kelgusida shu kabi, talabalar uchun qiziqarli tadbirlarni kutib qolamiz!