2022-yil 15-fevral kuni TDIU Samarqand filialida giyohvandlikka qarshi kurash oyligi doirasida tadbir bo‘lib o‘tdi. Unda Ichki ishlar vazirligi xodimlari, viloyat OITS markazi, narkologiya dispanseri vakillari ishtirok etdi. Asosan, giyohvandlikka qarshi kurash chorlarini yoshlar o‘rtasida keng targ’ib qilish va ularni sog’lom muhitda tarbiyalash maqsad qilingan.

    Yoshlar jamiyat hayotida tobora faollashib, o‘z o‘rniga ega bo‘lib borayotgan bir vaqtda ayrim irodasi sust o‘smirlarimiz giyohvandlik balosiga mubtalo bo‘layotgani barchamizni tashvishga soladi, - deydi Ilmiy tadqiqotlar innovatsiyalar va ilmiy pedagogik kadrlar tayyorlash sektori bo'lim boshlig'i S.Abduvoxidov. 

Zero, og‘u inson jismini qanchalik xarob qilsa, xuddi shunday jamiyatga ham mislsiz darajada zarar yetkazadi. Asr vabosi deb atalayotgan bu illat tinch-totuv yashayotgan oilalarni buzadi, bolalarni yetim qiladi, nochorlikda yashashga majbur etadi. Oqibati esa, albatta, ayanchli yakunlanadi. Giyohvandlik vositalarini, qaysi turi bo‘lmasin, isteʼmol qilishni boshlagan shaxs avvaliga unga o‘rganish hosil qilishini barchamiz bilamiz. Ammo ma’lum vaqt o‘tar-o‘tmas giyohvand mehnatga yaroqsiz holatga kelib qoladi. Natijada jinoyatga qo‘l urishga majbur bo‘ladi. Yaʼni, navbatdagi giyohvandlik vositasini qabul qilish maqsadida o‘g‘irlikni o‘z uyidan – oilasidan boshlaydi. Bu kabi illatlarni oldini olishda jamiyatning har bir a’zosi birdek mas’ul bo‘lishi darkor.

  Tadbir davomida; OIV ga testdan o'tishning 7 ta asosiy sabablari:
- Testdan qayerda o'tish mumkin?
- OIV va OITS nima?
- OIV ga test topshirish nima?
- OIV infeksiyasi bilan zararlanganlar kimlar?
- Yuqish qanday amalga oshadi, kabi savollarga talaba - yoshlarga video rolik orqali tushunchalar berildi.