Tadbirni ochib berish uchun filialimiz direktori professor O.Murtazayev so’zga chiqdi. Filialimiz rahbari ushbu sana butun Respublikamiz tarixida muhim ahamiyat kasb etishini, Zahiriddin Muhammad Bobur bizga ulkan ma’daniy meros qoldirganliklari haqida ta’kidlab o’tdilar. Mana shunday qutlug’  kun munosabati bilan bizning filialimizda ham ajoyib tantana, yangi kutubxonaning ochilish marosomi ham birgalikda nishonlanayotgani alohida ahamiyat kasb etadi deya ushbu tadbirni ochiq deb e’lon qildilar.

Tadbir davomida: tadbir mehmoni A.S.Pushkin nomidagi axborot kutubxona markazi direktori Axmedova Sh.B ham o’zining samimiy tilaklarini bildirdi.

Filialimiz talabalari ham Buyuk ajdodimiz ijodidan namunalar keltirib, u kishi bizga qanday ulkan ma’daniy meros qoldirganliklariga yana bir namoyish etdilar. Iqtidorli talabalar tomonidan namoyish etilgan sahna ko’rinishlari va aytilgan she`riy parchalar barcha kuzatuvchilarga birdek manzur bo’ldi. 

Zahiriddin Muhammad Bobur o’z asarlarida adolatni madh etgan, nafaqat o’z asarlarida balki davlat boshqaruv tuzimida ham adolat ila ish tutgan.

Ushbu tadbir davomida filialimizda tahsil olayotgan iqtidorli talaba yoshlarni hamda fidokor pedagok-o’qituvchilarni taqdirlash marosimi ham bo’lib o’tdi.

Shuni aytish joizki bizning filialdagi yangiliklarning barchasi siz talaba yoshlar uchun!