Soʻngi kunlarda yurtimizda koronavirus infeksiyasi bilan kasallanish holati yamayotgani kuzatilmoqda.
Kasallikning tarqalganlik darajasi 0,8 ni tashkil etmoqda (JSST ekspertlari xulosasiga koʻra bu koʻrsatkich 1,0 gacha boʻlsa vaziyat barqarorligini anglatadi).
Shuningdek, statsionardan chiqarilayotganlar sonining statsionarga yotqizilayotganlar soniga nisbatan hamda karantindan chiqarilayotganlar sonining karantinga olinayotganlar soniga nisbatan ham ijobiy tomonga siljish kuzatilmoqda.
Respublika maxsus komissiyasi tomonidan ushbu jihatlar inobatga olinib, bir qator chora-tadbirlar amalga oshirilmoqda.
Xususan, 2022 yil 7 fevraldan boshlab umumtaʼlim maktablari, professional, kasb-hunar taʼlim va oliy taʼlim muassasalari, akademik litseylar hamda nodavlat taʼlim tashkilotlarida oʻquv jarayoni anʼanaviy shaklda oʻtkaziladi.
Bunda,barcha taʼlim tashkilotlarida niqob taqish, ijtimoiy masofani saqlash, shaxsiy gigiyena qoidalariga qatʼiy rioya etish va antiseptik vositalardan muntazam foydalanish talab etiladi.
Toshkent davlat iqtisodiyot universiteti Samarqand filialida taʼlim jarayoni va fanlardan belgilangan yakuniy nazoratlar barcha mutaxassisliklar va taʼlim yoʻnalishlari uchun 2022 yil 7 fevraldan anʼanaviy shaklda davom ettiriladi.
Tasdiqlangan oʻquv jarayoni jadvaliga koʻra kunduzgi bakalavr va magistr bosqichida:
1. Kunduzgi taʼlim shakli birinchi kursida oʻqiydigan bakalavr talabalarga 7-fevraldan 19-fevralgacha fanlardan yakuniy nazoratlar anʼanaviy boʻlib oʻtadi. 21-fevraldan 2-semestr darslari anʼanaviy shaklda boshlanadi;
2. Kunduzgi taʼlim shakli ikkinchi kursida oʻqiydigan bakalavr talabalarga 7-fevraldan 12-fevralgacha fanlardan 1-qayt (2-tur) yakuniy nazoratlar anʼanaviy shaklda boʻlib oʻtadi. 14-fevraldan 4-semestr darslari anʼanaviy shaklda boshlanadi. Agrobiznes va investitsion faoliyat taʼlim yoʻnalishiga 7-fevraldan 4- semestr darslari anʼanaviy shaklda boshlanadi;
3. Kunduzgi taʼlim shakli uchinchi kursida oʻqiydigan bakalavr talabalarga 7-fevraldan 6-semestr darslari anʼanaviy shaklda boshlanadi. Agrobiznes va investitsion faoliyat taʼlim yoʻnalishiga 7-fevraldan 19-fevralgacha fanlardan yakuniy nazoratlar anʼanaviy shaklda boʻlib oʻtadi. 21-fevraldan 6- semestr darslari anʼanaviy shaklda boshlanadi;
Magistratura mutaxassisliklarida:
1.Birinchi kursda oʻqiydigan magistr talabalarga 7-fevraldan 19-fevralgacha fanlardan yakuniy nazoratlar anʼanaviy shaklda boʻlib oʻtadi. 21-fevraldan 2-semestr darslari anʼanaviy shaklda boshlanadi.
Sirtqi taʼlim shakli:
Sirtqi taʼlim shakli birinchi bosqich Sugʻurta ishi, Soliqlar va soliqqa tortish:
Ikkinchi bosqich Soliqlar va soliqqa tortish:
Ikkinchi va undan keyingi taʼlim (2-mutaxassislik) Buxgalteriya hisobi va audit taʼlim yoʻnalishlari 2022 yil 7-fevraldan darslar anʼanaviy shaklda dars jadvali asosida boshlanadi.